Әһли-Бејт (әлејһимус сәлам) Бејнәлхалг Хәбәр Аҝентлији -АБНА: Британијалы Һәрби аналитик, профессор Мајкл Кларк сионист режимин зәифлијии ифша едиб вә бу режимин мөвҹудлуғу үчүн әсас тәһлүкәјә ишарә едиб:
"Исраил узун мүддәтли мүһарибә апармаға гадир дејил. Исраил Һөкумәтинин тәкәббүрлүјү фәлакәтли нәтиҹәләрә сәбәб ола биләр. Онларын тәһлүкәси тәкәббүрлүкләридир."
О, даһа сонра вурғулајараг билдириб: "Проблем ондадыр ки, исраиллиләр гыса бир мүһарибәдә галиб ҝәлә билмирләрсә, узун мүддәтли мүһарибәдә дә галиб ҝәлә билмәзләр. Онларын игтисадијјаты чох зәифдир. Буна ҝөрә дә, әҝәр онлар бүтүн реҝионда нә мүһарибә, нә дә сүлһ вәзијјәтинә дүшсәләр, сон нәтиҹәдә удузан тәрәф онлар олаҹаг. Онларын проблеми дә будур."
Сионистләрин Британијадакы сәфири Тзипи Һотовелинин сионист режимин Гәрби Асијаны јенидән гурмаг шансы олдуғуна даир иддиасына ҹаваб верән Кларк риторик шәкилдә суал едиб: "Һансы әсасла? Планыныз һарададыр? Һәләлик онлар Јахын Шәргдәи-(Гәрби Асија) һәрби јолла јенидән гура биләрләр, лакин һәрби гәләбә башга бир шејин, бир нөв сијаси разылашманын јалныз башланғыҹыдыр. Вә бу мәрһәләдә бунун нә кими ҝөрүнә биләҹәјини биз билмирик."
