Әһли-Бејт
(әлејһимус сәлам) – Бејнәлхалг Хәбәр Аҝентлији- АБНА: Јәмәнин Әнсаруллаһ һәрәкатынын
лидери Сејид Әбдүлмәлик әл-Һуси бу ҹүмә ахшамы ҝүнортадан сонра Гәзза вә Ливандакы
сон һадисәләрлә бағлы чыхыш едиб.
Әнсаруллаһ лидери чыхышынын әввәлиндә Ливан Һизбуллаһ һәрәкатынын мәрһум баш катиби, шәһид Сејид Һәсән Нәсруллаһын шәһадәт ҹинајәтинә тохунуб вә онун шәһадәтини бүтүн Ислам үммәтинин бәласы һесаб едиб.
Әл-Һуси Иран Ислам Республикасынын јәһудиләр тәрәфиндән ишғал олунмуш Фәләстин әразиләринин дәринликләринә ракет әмәлијјатына хүсуси ишарә едәрәк вурғулајыб:
“Бу ҝүн Ислам Республикасы һазыркы вәзијјәтин һәссаслығыны чох ҝөзәл анлајыр вә буна ҝөрә дә Һизбуллаһы дәстәкләјир. Иран Исраилә гаршы ән бөјүк ракет һүҹумуну һәјата кечириб.
Бу һүҹум ишғал алтындакы Фәләстиндән Ашкелон әразисинә гәдәр ҝениш бир әразидә баш вериб вә диггәт мәркәзиндә Исраил һәрби базалары вә ҹасус мәркәзләри олуб.”
Әнсаруллаһ лидери давам едиб:
“Иран ракетләринин 90%-и һәдәфләрини вуруб вә Исраил базаларыны мәһв едиб. Бу һүҹумлардан сонра милјонларла сионист горху ичиндә сығынаҹаглара долушублар. Мүхтәлиф бөлҝәләрдә Исраил һәрбичиләри вә ҹинајәткар лидерләри дә горху ичиндә иди.”
О, “Садиг Вәдә-2” әмәлијјаты барәдә даһа сонра билдириб ки, Ислам Республикасы бу мәлијјаты һәјата кечиртмәклә Сејид Һәсән Нәсруллаһ, Исмајыл Һанијә вә Ислам Ингилабы Кешикчиләри Корпусунун диҝәр командирләри кими шәһидләрин ганынын гисасыны алмаға садиг олдуғуну ҝөстәрди.
Әл-Һуси даһа сонра әлавә едәрәк билдириб:
“Бу әмәлијјат чох уғурлу вә тәәҹҹүблү иди вә америкалылар әввәлки ачыгламаја бахмајараг Исраилә дәстәк верә билмәдиләр. Әслиндә, вердикләри бүтүн вәдләрә бахмајараг, онларын дәстәји уғурсуз олду.”
Сејјид Әбдүл Мәлик әл-Һуси, сионист режимин илләр боју апардығы террор мүһасирәсини мәһв етмәк үчүн Садиг Вәдә -2 әмәлијјатыны зәрури һесаб едиб вә дејиб:
“Ислам үммәти Исраили ҹиловламаг үчүн өз мөвгеләриндә ҹәсарәтли олмалыдыр. Она ҝөрә дә ҹиһада башламалы, ҹидди вә тәсирли тәдбирләр ҝөрмәлијик, әкс һалда даһа чох ҹинајәтләрин шаһиди оларыг.”
Диггәт: Хәбәрдән Истифадә Етдикдә Мәнбәјә Истинад Лазымдыр!
