Әһли-Бејт
(әлејһимус сәлам) – Хәбәр Аҝентлији АБНА: 38-ҹи Бејнәлхалг Ислам Вәһдәти Конфрансы
һиҹри шәмси тарихи илә 1403-ҹү ил Шәһривәр ајынын 24-дән башлајараг, Шәһривәрин
31-дәк “Фәләстин мәсәләсинә диггәт јетирмәклә ортаг дәјәрләрә наил олмаг үчүн Ислам
әмәкдашлығы” мөвзусу илә кечириләҹәк.
Бурада биз гыса олараг Бејнәлхалг Ислам Вәһдәти Конфрансы барәдә танышлыг веририк:
Тарихчәси
Ислам Ингилабынын Бөјүк Баниси Имам Хомејни (р.а) тәрәфиндән Вәһдәт Һәфтәси елан едилдикдән сонра вә Иран Ислам Республикасынын мәсул шәхсләри, мүсәлманлар арасында Ислам бирлијинин мөһкәмләндирилмәси стратеҝијасына әсасланараг, Бејнәлхалг Ислами Вәһдәт Конфрансынын кечирилмәси барәдә гәрар гәбул етдиләр.
Һиҹри Шәмси тарихи илә 1369-ҹу (милади илә 1990-ҹы) илдән башлајараг Ислам Тәблиғат Тәшкилаты бу конфрансын дөрд сессијасынын кечирилмәсинә мәсул иди, лакин “Ислам Мәзһәбләринин Јахынлашдырылмасы үзрә Үмумдүнја Ассамблејасы”нын јарадылмасындан сонра Ислам Ингилабынын Али Рәһбәрин (Дама Зиллуһул Али) әмри илә Ислам Мәзһәбләри арасында тәгриби миссијасынын һәјата кечирилмәси кими бу мүһүм мәсәлә јени јаранмыш Ассамблејаја һәвалә едилди.
Мәгсәдләр
Бејнәлхалг Ислам Вәһдәт Конфрансынын кечирилмәсиндә мәгсәд мүсәлманлар арасында бирлик вә һәмрәјлик јаратмаг, алим вә елм адамларынын елми вә мәдәни бахышларыны јахынлашдырмаг үчүн јекдил рәј јаратмаг, еләҹә дә Ислам бирлијинә наил олмаг үчүн әмәли һәлл јолларыны арашдырмаг вә тәмин етмәкдир. Ислам Дүнјасында Үммәт Ваһидәни, тәк бир милләти тәшкил етмәк вә мүсәлманларын проблем вә чәтинликләрини һәлл етмәк вә бу мөвзуда ујғун һәлл јолларыны тәгдим етмәкдир.
Гонаглар
Бејнәлхалг бирлик конфрансынын гонаглары, өлкә дахилиндә вә хариҹдә олан Ислам өлкәләринин савадлы шәхсијјәтләри, алим, мүфти вә сијаси хадимләри, университет профессорлары вә диҝәр елми-мәдәни топлантылар арасындан сечилир. Индијәдәк дүнјанын һәр јериндән јүзләрлә мүтәфәккир, алим, зијалы, мәдәни, иҹтимаи вә сијаси фәаллар вә өлкәнин мүхтәлиф бөлҝәләриндән чохлу сајда шиә вә сүнни алим вә мүтәфәккирләри бу конфрансда иштирак етмиш, мәгаләләртәгдим едәрәк, чыхышлар етмиш вә фикирләрини билдирмишләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
