Әһли Бејт әлејһимус сәлам Хәбәр Аҝентлији - АБНА: Үмумдүнја Әһли-Бејт (ә) Ассамблејасы бәјанат јајараг Пакистанын Парачинар шәһәриндәки Шиәләрин гәтлиам едилмәсини писләјиб.
Үмумдүнја Әһли-Бејт (ә) Ассамблејасы бәјанаты беләдир:
Бисмилләһир Раһмәнир Раһим
انا لله و انا الیه راجعون
«وَمَن یَقْتُلْ مُؤْمِنًا مُّتَعَمِّدًا فَجَزَآؤُهُ جَهَنَّمُ خَالِدًا فِیهَا وَغَضِبَ اللّهُ عَلَیْهِ وَلَعَنَهُ وَأَعَدَّ لَهُ عَذَابًا عَظِیمًا»( نساء 93)
Һамымыз Аллаһа мәхсусуг вә һамымыз она доғру гајыдырыг.
"Һәр кәс бир мөмини гәсдән өлдүрәрсә, ону әбәди галаҹаг ҹәһәннәм әзабы ҝөзләјир вә Аллаһ она гәзәб етмиш, ону лә'нәтләмиш вә онун үчүн бөјүк бир әзаб һазырламышдыр." (Ниса 93)
Пакистанын Кәрәм Иҹнеси (Парачинар) бөлҝәсиндә шиәләрин һагсыз јерә шәһид олмасы бир даһа бүтүн дүнја шиәләринин вә Пакистан мүсәлманларынын гәлбини кәдәрләндирди.
Тәкфирчи груплар тәрәфиндән һәјата кечирилән вә 35-дән чох инсанын шәһид олуб, 160-а јахын шиәнин јараланмасы илә нәтиҹәләнән бу һадисә шиәләрин вә реҝион халгынын зүлмә мәруз галдығыны бир даһа ортаја гојду вә бејнәлхалг иҹтимаијјәтин тәкфирчилији таныјыб она гаршы мүбаризә апармасына сәбәб олду.
Шүбһәсиз ки, Парачинар бөлҝәсинин әһалиси арасында вәтәндаш вә етник мүнагишәләрин гаршысынын алынмасы, тәкфирчилик вә террор акты илә мүбаризә, Ислами бирлијә наил олмаг үчүн чалышмаг Пакистан мүсәлманларынын вә бејнәлхалг иҹтимаијјәтин даһа чох диггәт јетирмәли олдуғу мәсәләрдәндир.
Үмумдүнја Әһли-Бејт (ә) Ассамблејасы бу тәкфирчи һәрәкәтләри кәскин шәкилдә писләјир, шәһидләрин аилә үзвләри вә јахынлары илә һәмрәјлик ифадә едәрәк, Пакистан мүсәлманларына вә Әһли Бејт әлејһимус сәлам ардыҹылларына башсағлығы верир вә Уҹа Аллаһдан бу һадисәдә шәһид оланлара рәһмәт диләјир.
Һәмчинин Пакистан Ислам Республикасы һөкумәтинә тәкфирчи вә террор актлары илә мүбаризәдә ҝөстәрдији сәјләринә ҝөрә тәшәккүр етмәклә јанашы, ҹинајәткарларла мүбаризә вә бу бөлҝәдәки шиәләрин ҹан вә малларынын горунмасы үчүн даһа ҹидди сәјләрин ҝөстәрилмәсинә чағырыр.
Үмумдүнја Әһли-Бејт (ә) Ассамблејасы
24 Мәһәррәм 1446
Диггәт! Хәбәрдән истифадә едилдикдә мәнбәјә истинад етмәлисиниз.
