Оман Султаны Һејсәм бин Тариг, тәркибиндә мүдафиә, хариҹи ишләр, игтисадијјат вә инвестисија назирләринин дә дахил олдуғу бөјүк бир нүмајәндә һејәтинин башында Ирана сәфәр едиб.
"Әл-Шәрг Әл-Өвсәт" гәзетинин мәлуматына ҝөрә, Оман хариҹи ишләр назири Бәдр бин Һәмәд Әл-Бусәиди билдириб ки, реҝион реҝионал мүнасибәтләрдә јени мүсбәт мәрһәләјә гәдәм гојур.
О гејд едиб ки, Оман вә Ираны мөһкәм етимад вә гаршылыглы һөрмәт принсипләринә әсасланан тарихи гардашлыг мүнасибәтләри бағлајыр. Сәфәр һәр ики өлкә рәһбәрлијинин мүхтәлиф реҝионал вә бејнәлхалг мәсәләләр үзрә әмәкдашлыға вә мәсләһәтләшмәләрә вердији өнәмдән ирәли ҝәлир.
Оман ХИН башчысы гејд едиб ки, султанын Ирана бу сәфәринин вахты реҝионал мүнасибәтләр үчүн јени вә мүсбәт мәрһәләнин ортасына тәсадүф едир. Һансы ки, ики лидер арасында мүзакирә мөвзусу олаҹаг бир чох ҹари фајллары вә мәсәләләри тәһлүкәсизлик вә сабитлијин сүтунларыны ҝүҹләндирмәјә хидмәт едәҹәк шәкилдә һәлл етмәк үчүн дәстәји, мәсләһәтләшмәләри вә әмәкдашлығы тәләб едир.
"Оман султанынын сәфәри ики дост өлкә, Оман вә Иран халглары арасында һәм реҝионал, һәм дә бејнәлхалг сәвијјәдә икитәрәфли мүнасибәтләрә бөјүк марағын олдуғуну тәсдигләјир", - дејә Әл-Бусәиди әлавә едиб.
"Оманда биз үмид едирик ки, бу тарихи сәфәр реҝионун сабитлији вә тәһлүкәсизлијинә вә реҝионун гоншулары арасында мүнасибәтләрә мүсбәт тәсир ҝөстәрәҹәк. Биз бунун нәтиҹәләринин реҝионал вә бејнәлхалг сәвијјәдә һисс олунмасыны тәмин етмәк үзәриндә чалышаҹағыг", - ХИН рәһбәри вурғулајыб.
Бу, Султанын 2020-ҹи илдә тахта чыхандан сонра Ирана илк сәфәридир.
Гејд едәк ки, Оман Краллығы узун илләрдир ки, Иран Ислам Республикасынын реҝиондакы ән мүһүм игтисади вә сијаси тәрәфдашларындан бири олуб вә Теһран вә Мәсгәт арасындакы стратежи әлагәләр ики өлкәни етибарлы достлара чевириб.
342/
