Иврит дилли КИВ-ләрин мәлуматына ҝөрә, шәнбә ҝүнү ҝеҹә, минләрлә сионист баш назир Бенјамин Нетанјаһу һөкумәтинин мәһкәмә ислаһатлары планына етираз етмәк үчүн Тәл-Әвивин Каплан күчәсиндә нүмајиш кечириб, ишғалчы Исраил полиси исә етиразларла ејни вахтда бир чох бир чох күчәләрин нәглијјатын һәрәкәтинә бағландығыны елан едиб.
Мәлумата әсасән, даһа кичик нүмајишләр диҝәр шәһәрләрдә, хүсусилә Һајфа вә Гүдсдә кечирилиб. Һајфа шәһәриндә етиразчылар сионист режимин әдлијјә назири Јарив Левинин еви гаршысында етираз аксијасы кечирибләр.
Мәһкәмә-һүгуг системи һаггында гануна дәјишиклик едилмәси планындан сонра бүтүн ишғал олунмуш әразиләрдә һәфтәлик нүмајишләр кечирилир.
Өтән һәфтәләрдә Тәл-Әвив, Һајфа, Ишғал олунмуш Гүдс, Беер Сәбә, Ришон Летион вә Һерзлија да дахил олмагла, ишғал олунмуш Фәләстинин шималындан ҹәнубуна гәдәр онларла шәһәр Нетанјаһунун ифрат сағчы кабинетинә вә сионист режимин мәһкәмә системиндә ислаһатлара гаршы нүмајишләрә сәһнә олуб.
Сионист режимин мүхалифәт лидрләри Нетанјаһу һөкумәтинин һәјата кечирмәк истәдији ислаһатлары мәһкәмә системини зәифләтмәк вә бу шәхсијјәтин онун үч коррупсија вә рүшвәт иши үзрә мүһакимә олунмасынын гаршысыны алмаг ҹәһди кими дәјәрләндири вә һесаб едирләр ки, кабинетин бу һәрәкәтләри сионист режими мүнагишәјә, вәтәндаш мүһарибәсинә вә сүгута доғру апарыр.
Етиразчылар мәһкәмә системи ислаһатларынын бу режими идарә едән сахта демократијаја ҝүҹлү зәрбә олдуғуна инаннырлар, чүнки бу план Али Мәһкәмәнин ики саһәдә сәлаһијјәтләрини мәһдудлашдырыр; Бир тәрәфдән, кабинет сионист режимин Али Мәһкәмәсинин һакими дә дахил олмагла, һакимләрин тәјинатына там нәзарәт едәҹәк. Диҝәр тәрәфдән, бу план Али Мәһкәмәнин Назирләр Кабинетинин ганун вә гәрарларыны ләғв етмәк сәлаһијјәтини ҹидди шәкилдә мәһдудлашдырыр вә Кнессетә мәһкәмәнин ләғв етдији ганунлары јенидән гәбул етмәјә иҹазә верир.
Бу планын тәсдиги бу јахынларда Нетанјаһу тәрәфиндән тәхирә салынды, лакин етиразчылар бу планын тамамилә ләғв едилмәсини тәләб едирләр.
342/
