Тәјјарәнин учушу Иранын һава мәканында бирҝә сәрһәдлә паралел вә Азәрбајҹан сәрһәдиндән ујғун мәсафәдә һәјата кечирилиб. Әҝәр һәр һансы бир сәрһәд позунтусу баш верәрсә, адәтән радарлар вә мүдафиә шәбәкәләри радио рабитәсиндә лазыми хәбәрдарлыглары едирләр. Бу учушла бағлы һеч бир радар вә ја радио хәбәрдарлығы едилмәјиб.
Бејнәлхалг учуш гајдаларында ади проседур беләдир ки, нормадан кәнар бир һадисә баш вердикдә, месажлар ејни техники чәрчивәләрдә мүбадилә едилир, лакин бу учушла бағлы белә бир вәзијјәт баш вермәди. Бизим Азәрбајҹан Республикасы илә мүдафиә саһәсиндә әлагәләримиз вар, сәфирлијимиз фәалдыр, һәрби атташемиз дә орададыр.
Әҝәр хош нијјәт олсајды, бу мәсәлә Иран сәфирлији вә һәрби атташемизлә әлагә сахланылараг, ирәли сүрүлә, фикир мүбадиләси апарыла вә анлашылмазлыглар арадан галдырыла биләрди. Азәрбајҹан Республикасы һөкумәтинин сәфири чағырмасыны вә мәсәләни медиалашдырмасыны хош нијјәтли вә гоншу дөвләтләр арасында мүнасибәтләр чәрчивәсиндә һесаб едә билмәрик.
Биз бу кими ихтисаслашдырылмыш мәсәләләрин ихтисаслашдырылмыш чәрчивәләрдә галдырылмасы вә һәлл едилмәсини ҝөзләјирик Мүбаһисәли мәсәләләрдә, мөвзуларын медиа мәканында вә трибуналарын архасындан галдырылмасы онларын һәллинә көмәк етмир вә хошмәрамлылыг әламәти дејил.
342/
