Африка Бирлији (АБ) ишғалчы Исраил режиминин мүшаһидәчи өлкә кими үзвлүјүнүн һәлә гәбул едилмәдијини ачыглајыб.
Африка Бирлијинин сөзчүсү Ебба Калондо вердији јазылы ачыгламада, АБ үзвү олан өлкәләрин әксәријјәтинин сионист Исраили үзвлүјә гәбул етдијинә даир јазылары тәкзиб едиб вә бу режимин мүраҹиәтинин һәлә дә арашдырылдығыны ачыглајыб.
О дејиб ки, Исраилин мүшаһидәчи өлкә статусу Дөвләт Башчылары Комитәси тәрәфиндән нәзәрдән кечирилир.
Хатырладаг ки, февралын 18-дә АБ-нин Әддис-Әбәбәдәки мәнзил-гәрарҝаһында кечирилән топлантыда үзв дөвләтләрин вә мүшаһидәчи өлкәләрин нүмајәндәләринин олдуғу јерә сохулан Исраил Хариҹи Ишләр Назирлијинин Африка үзрә баш директор мүавини Шарон Барли тәһлүкәсизлик ишчиләри тәрәфиндән чыхарылыб.
2021-ҹи илдә мүбаһисәли шәкилдә мүшаһидәчи үзвлүјүнә гәбул едилән Исраил бирлик дахилиндә ҝәрҝин мүзакирәләрә сәбәб олуб. Өтән илки саммитдә Исраилин мүшаһидәчи үзвлүјү илә бағлы јекун гәрарын бу ил вериләҹәји гәрара алыныб.
Мүхалифәт өлкәләри Африка Бирлији Комиссијасынын сәдри Муса Факи Мәһәммәди Исраили сәс вермәдән гәбул етдијинә ҝөрә тәнгид едиб. Африка Бирлији Тәшкилатынын 2002-ҹи илдә АБ олараг јенидән гурулмасындан сонра Исраил мүшаһидәчи олараг илк дәфәдир ки, үзвлүјүнү итириб.
Тел-Әвив режими билдирир ки, Иранын лоббиси, Ҹәнуби Африка вә Әл-Ҹәзирә каналынын сәјләри Исраил дипломатынын бу гурумдан говулмасына сәбәб олуб. Африка Бирлији сионист режимин ҹинајәтләринә ҝөрә өтән ил онун мүшаһидәчи гисминдә олан үзвлүјүнү дајандырды.
342/
