“Коллектив Тәһлүкәсизлик Мүгавиләси Тәшкилатынын (КТМТ) миссијасы там һазырдыр, лакин Ермәнистан тәрәфи орада узунмүддәтли әсасда миссијанын јерләшдирилмәсинә даир Авропа Иттифагы илә данышыглара үстүнлүк верир. Азәрбајҹанын разылығы олмадан бу миссијанын јерләшдирилмәси сәмәрәли олмајаҹаг”.
О билдириб ки, Русијанын Ермәнистанла мүрәккәб мүнасибәтләри вар: "Бизим Ермәнистандакы мөвҹуд вәзијјәтлә бағлы чәтинликләримиз вар. Ермәни достларымыз Азәрбајҹанла сәрһәддә сабитлијин тәмин едилмәси үчүн КТМТ миссијасынын ҝөндәрилмәсинин зәрурилијини ирәли сүрүрдү вә биз Ирәванда кечирилән саммитдә бу миссијанын параметрләри илә бағлы сәнәд разылашдырдыг, лакин ону гәбул етмәк мүмкүн олмады. Чүнки ермәни һәмкарларымыз бу сәнәддә Азәрбајҹанын сәрт шәкилдә гынанылмасына исрар етмәјә башладылар".
С.Лавров вурғулајыб ки, рәсми Москванын һәлә дә Ермәнистан-Азәрбајҹан сәрһәдинин Ермәнистан һиссәсинә КТМТ миссијасыны ҝөндәрмәк истәји вар.
Русија ХИН рәһбәри бу мәтбуат конфрансында Лачын јолундакы вәзијјәтә дә мүнасибәт билдириб:
“Рәсми Москваја Ермәнистан тәрәфинин Лачын јолу илә мина дашымасына даир мәлуматлар верилиб вә бу мәлуматлар һазырда арашдырылыр”.
Русија ХИН рәһбәри вурғулајыб ки, үчтәрәфли бәјанатлара әсасән, Лачын јолу һәр ики истигамәтдә нәглијјат васитәләринин кечиди үчүн сәрбәст олмалыдыр: “Тәбии ки, орада ајрыҹа гејд олунуб ки, бу маршрутла һеч бир һәрби јүк ҝөндәрилмәмәлидир. Азәрбајҹанлылар мәлумат верибләр ки, Ермәнистан тәрәфи бу јол васитәсилә миналар дашыјыб вә даһа сонра онлардан үчтәрәфли бәјанатлара зидд олараг Азәрбајҹан мөвгеләринә јахын әразиләрин миналанмасы үчүн истифадә едилиб. Һазырда һәрбчиләримиз бу мәлуматлары арашдырыр”.
