Бәшшар Әсәд бу мәтләби Русија президентинин хүсуси елчиси Александр Лаврентјев илә ҝөрүшдә дилә ҝәтириб вә мәсәләни белә ачыглајыб: Түркијә рәсмиләри илә ҝөрүшләр сәмәрәли вә фајдалы олмалыдыр. Бу ҹәһәтдән, Дәмәшг вә Москва бу ҝөрүшләрин һәдәфләри барәдә бир-бириләри илә өнҹәдән аһәнҝдарлыға вә програмлашдырмаја малик олмалыдырлар.
Бир бәјанатда бу мәтләби билдирән Сурија президент администрасијасынын мәтбуат хидмәти әлавә едиб: Бәшшар Әсәд вурғулајыб ки, Дәмәшгин бу ҝөрүшләрдә мәгсәди, Сурија халгынын мараглары вә бу өлкәнин сијаси гурулушунун амалларыны тәмин едәҹәк дујуласы нәтиҹәләрә наил олмагдыр.
Сурија президентинин сөзләринә ҝөрә, бу тәләбләр Түркијәнин террорчулара дәстәк вермәкдән чәкинмәси вә ишғалчылыға сон гојмасы илә бағлыдыр.
Бәшшар Әсәдин сөзләринин фонунда гејд едәк ки, Лаврентјев Сурија, Русија вә Түркијә мүдафиә назирләринин иштиракы илә кечирилән Москва үчтәрәфли ҝөрүшүнү мүсбәт дәјәрләндириб вә белә дејиб: Дүнјада сүрәтлә баш верән һадисәләрдән истифадә етмәк лазымдыр. Бу истигамәтдә, үч өлкәнин хариҹи ишләр назирләри сәвијјәсиндә үчтәрәфли ҝөрүшләрин тәгиб олунмасы вә давам етдирилмәси өнәмлидир.
Дүнјадакы сијаси вә медиа мүһарибәләринин кулминасија нөгтәсинә чатмасына тохунан Сурија президенти сөјләјиб: Бу шәраит сајәсиндә шәффаф вә сабит сијаси мөвгеләр тутулмалыдыр. Бу ҹәһәтдән, Дәмәшг Русијанын Донбас бөлҝәсиндәки һәрби әмәлијјаты гаршысында Москваја дәстәк мөвгеји тутубдур.
Рәсми Дәмәшгин Русијанын Украјнадакы һәрби әмәлијјаты гаршысындакы конструктив мөвгејинә ҝөрә миннәтдарлыг ифадә едән Путинин хүсуси елчиси сөјләјиб: Һал-һазырда бир чох дүнја өлкәси бу гәнаәтә ҝәлибдир ки, дөјүшләрин ҝедишаты Русијанын хејринәдир.
Лаврентјев дејиб: Америка вә онун мүттәфигләри өз ардыҹыл тәзјигләринә рәғмән, Русија вә Суријанын тәҹрид олунмалары мәсәләсиндә накам галыблар.
342/
