Һәзрәт Ајәтуллаһүл-үзма Хаменеи бу ҝүн 9 јанвар 1978-ҹи ил Гумда баш верән гијамын илдөнүмү мүнасибәтилә бу шәһәрин бир груп әһалиси илә кечирилән ҝөрүшдә, тарихи һадисәләри јашатмағы вә онлардан дәрс алмағы зәрури һесаб едәрәк, бујурублар: "Гумун мөмин вә ингилабчы халгынын бајрагдарлығы илә бүтүн Иранда башлајан бу бөјүк ҹиһад диктатура режимини деврмәк, Ираны Гәрбин һеҝемонлуғундан вә нәзарәти алтындан чыхармаг вә өлкәнин тарихи вә ислами кимлијини дирчәлтмәк мәгсәди дашыјырды. Чүнки Иран Пәһләви режими заманы Гәрбин тәһриф олунмуш вә јанлыш мәдәнијјәтинин әл-ајағы алтында вә америкалыларын сијаси вә һәрби һеҝемонлуғу алтында әзилмишди".
Алимәгамлы Рәһбәр Мүгәддәс Мүдафиәни милләтин вәзифә дујғусунун, лазыми вахтда ҝәлиб рискә ҝетмәјин парлаг нүмунәси һесаб едәрәк, дејибләр: "Ирагын деврилмиш диктатору Сәддам АБШ, Авропа өлкәләри, НАТО дөвләтләри , Совет Иттифагы вә мөртәҹи өлкәләрин дәстәји вә бүтүн имканлары илә вә Ираны парчаламаг мәгсәдилә һүҹум етди, амма Иран бу партијалар савашынд галиб ҝәлди, онлар һеч нә едә билмәдиләр вә өлкәнин һәтта бир гарышы белә өлкәдән ајрылмады.
Һәзрәт Ајәтуллаһүл-үзма Хаменеи ингилабын гәләбәсини вә Иранын АБШ-ын һеҝемонлуғундан хилас олмасыны Ислам системи илә дүшмәнчилијин әсас сәбәби адландырыблар вә Ингилабын гәләбәсиндән ҹәми он ај сонра Ислам Республикасыны девирмәк үчүн АБШ-ын о заманкы президенти Ҹимми Картерин ҝөстәриши илә бағлы нүфузлу би рмәркәз тәрәфиндән мәхфи сәнәдин јајылмасына ишарә едәрәк, бујурублар: "Бу сәнәдә әсасән, Картер АБШ Мәркәзи Кәшфијјат Идарәсинә Ислам Республикасыны девирмәк әмрини верир вә девирмәк үчүн гејд етдији илк стратеҝија тәблиғатдан истифадә етмәкдир".
Ислам Ингилабынын Али Мәгамлы Рәһбәри чыхышынын башга бир һиссәсиндә сон иғтишашларын мемарларынын мәгсәдини тәһлил едәрәк, дејибләр: "Иғтишашларда әҹнәбиләрин ролу тамамилә ҝөз габағындадыр. Бәзи инсанлар вә әҹнәбиләр иғтишашларын өлкәнин зәиф тәрәфләринә гаршы олдуғуну ҝөстәрмәк истәјирдиләр, амма мән сизә дејирәм, там әксинә, өлкәнин зәиф тәрәфләрини јох, ҝүҹлү тәрәфләрини мәһв етмәк истәјирдиләр. Өлкәнин бөјүк вә дәјишдириҹи ишләрә еһтијаҹы вар, Бәјан етмә ҹиһадыны ҹидди гәбул един. Дәфәләрлә демишәм, јенә дә дејирәм, дүшмәнин планларынын башында тәблиғат дајаныр, чарәси исә һәгигәти изаһ етмәкдир".
О, һәзрәт сон һадисәләрдә америкалыларын вә авропалыларын ојнадығы ашкар вә шәксиз рола ишарә едәрәк, дүшмәнин бу иғтишашларда ән мүһүм аләтинин кибер мәкан вә Гәрб, Әрәб вә Ибрани медиалар васитәсилә тәблиғат вә вәсвәсә олдуғуна диггәт чәкибләр.
Ислам Ингилабынын Али Мәгамлы Рәһбәри бу мәсәлә илә бағлы изаһатында өлкәнин тәһлүкәсизлији, тәһсил вә елм мәркәзләринин бағланмасы илә елми тәрәггинин дајандырылмасы, јерли истеһсалын артымынын дајандырылмасы, һәмчинин туризм кими чичәкләнән секторларын дајандырылмасы кими ҝүҹлү тәрәфләрин һәдәфә алынмасына ишарә едибләр.
О, һәзрәт әлавә едибләр: "Әлбәттә, игтисади вә мәишәт проблеминин олдуғуна шүбһә јохдур, лакин зибил гутуларынын јандырылмасы вә күчә иғтишашлары илә бу проблеми һәлл етмәк олармы? Шүбһәсиз ки, бу һәрәкәтләр вәтәнә хәјанәтдир вә мәсул гурумлар хәјанәтлә ҹидди вә әдаләтли мәшғул олмалыдырлар".
