Дүнја шөһрәтли иранлы сәркәрдә ҝенерал Гасим Сүлејмани вә онунла бирликдә олан силаһдашлары 2020-ҹи ил јанварын 3-дә сәһәр саатларында Бағдад Бејнәлхалг Һава Лиманыны тәрк едәркән АБШ-ын пилотсуз тәјјарәләринин һүҹумуна мәруз галараг шәһид олдулар. О ҝүн милјонларла мүсәлман бу хәбәри ағыр һүзн вә кәдәрлә гаршылады. Һәтта гејри-мүсәлманлар белә һадисәјә биҝанә галмады, өз кәдәрини ифадә етди. Дунјанын мәшһур улдузлары, сијаси -иҹтимаи хадимләр бу бөјүк шәхсијјәтә һөрмәт вә еһтирамларыны тәшкил етдикләри аным мәрасимләриндә изһар етдиләр.
Бәс милјонларла инсанын гәлбини фәтһ етмиш шәхсијјәт ким иди?
Иранлы әфсанәви сәркәрдәнин һәјат дастаны һәгиги вә илаһи ешгдән јаранмыш бир дастандыр. Онун һекајәси һәгиги ешг һекајәсидир.
Гасим Сүлејмани бәшәријјәтин зәрәрли дәстәләринә аман вермәдән мүгавимәтин нүмунәсини јашатды, давам етдирди вә ону јени зирвәләрә уҹалтды.
Шәһадәтиндән үч ил кечсә дә, шәһид Сүлејмани әбәди олараг глобал зүлм системинә гаршы мүбаризәнин символу кими таныныр. Бу бөјүк шәһидин Ислам дининин вә дүнја мәзлумларынын шәрәфи үчүн һәрәкәт етмәкдән башга бир фикри јох иди. О, өмрүнү империализмә гаршы мүбаризәдә кечирди.
Азәрбајҹан Журналистләр Бирлијинин үзвү Назилә Атакишијева Сүлејмани һагда белә јазыр:
Инсанларын бөјүк севҝисини газанан, һәлә сағ икән гәлбләрдә өз һејкәлини уҹалтмыш Гасим Сүлејмани әфсанәви сәркәрдә кими ад газанмышды.
Азәрбајҹанда бу дәјәрли инсанын шәһид олмасы бөјүк кәдәр вә алчаг гатилләрә гаршы сонсуз нифрәт һисси илә мүшајәт олунду.
Гасим Сүлејмани Азәрбајҹан Республикасынын халгы, онун истәкләри, арзулары, габилјјәти, потенсиалы һагда дәгиг билијә саһиб иди вә она ҝөрә дә гәтијјәт вә инамла тәклиф етди ки, халгын дини инанҹына вә "ләббејк ја Һүсејн(ә)" сәдаларына сөјкәнмәклә, ишғал олунмуш торпаглары асанлыгла ҝери алмаг олар.
О, бизим үчүн ким иди? Азадлыгсевәрләрин севимлиси, мүсәлманларын фәхри, мәзлумларын мүдафиәчиси, залымларын гәними...
Мәрһум шәһид Гасим Сүлејмани ҝениш күтләләрин рәғбәтини пахлава-шәкәрбура вә доллар пајламагла дејил, өз гәһрәман вә мәрд һәјаты һесабына газанмышды. Дүнјаја ағалыг етмәк истәјән залымлара баш әјмәјән мәрд дөјүшчүјә халг јалныз исти мүнасибәт бәсләјиб онун хатирәсини әзиз тутур.
342/
