Русија президентинин хам нефт вә нефт мәһсулларынын гијмәт лимитинә әмәл едән өлкәләрә тәдарүкүнү гадаған едән фәрманы 2023-ҹү ил февралын 1-дән гүввәјә минәҹәк вә 2023-ҹү ил ијулун 1-дәк тәтбиг едиләҹәк.
Диҝәр тәрәфдән, јахын вахтларда Русија һөкумәтинин Назирләр Кабинети бу өлкәдә истеһсал олунан јанаҹаг мәһсулларына гијмәт һәдди мүәјјән едән өлкәләрә бу мәһсулларын сатышынын гадаған едилмәси илә бағлы гәрар гәбул едәҹәк.
Бунунла белә Путинин јени фәрманына әсасән, Русија президенти хүсуси һалларда гадағаны ләғв едә биләр.
Путин даһа әввәл дә Русија нефтинин гијмәтинә мәһдудијјәтләрин тәтбиг едилмәсини тәсирсиз адландырмышды вә гејд етмишди ки, Русија үчүн 20 фаизлик игтисади тәнәззүл прогнозлашдырылырды, лакин биздә ҹәми 2,9 фаиз игтисади тәнәззүл олду вә вәзијјәтимиз бир чох өлкәләрдән јахшыдыр.
342/
