Гондарма Дағлыг Гарабағ Республикасынын дөвләт назири Рубен Варданјан Италијанын нүфузлу Темпо журналына мүсаһибә вериб вә Гарабағын блокадаја алындығыны иддиа едиб.
Варданјан вурғулајыб ки, вәзијјәт чәтиндир, лакин Гарабағ ермәниләри тәслим олмаг нијјәтиндә дејил вә өз торпагларында јашамаг һүгугларыны мүдафиә етмәјә давам едәҹәкләр.
“Хариҹи дүнја илә әлагәмиз тамамилә кәсилиб. Белә бир шәраитдә һава көрпүсүнә еһтијаҹ чох ваҹиб олур”, – дејән Варданјан Даөлыг Гарабағын блокадасы проблеминин БМТ Тәһлүкәсизлик Шурасында мүзакирә едилдијини вә вәзијјәтин гәбуледилмәз һесаб едилдијини вурғулајыб.
Азәрбајҹанлы екофәаллардан данышан сепаратчы дејиб: “Онлар үмумијјәтлә еколог дејилләр, Азәрбајҹанын хүсуси хидмәт органларынын нүмајәндәләридир. Баш верәнләр диггәтлә планлашдырылыб. Гарабағ халгына өз торпагларыны тәрк етмәк үчүн тәзјиг етмәк истәјирләр”.
Гарабағ мүнагишәсинин һәлли илә бағлы суалы ҹавабландыран Варданјан дејиб: “Ермәниләр вә азәрбајҹанлылар фәргли милләтләрдир, фәргли мәдәнијјәтә, фәргли дәјәрләрә маликдирләр, лакин онлар бир-биринә гаршы саваша ҝирмәдән ејни бөлҝәдә гоншу кими јашамағын јолуну тапмалыдырлар. Азәрбајҹанын Артсахы танымасы ваҹибдир. Әминәм ки, бу нөгтәдән башласаг, һәлл јолу тапылаҹаг”.
342/
