Русија Мүдафиә Назирлијинин сөзчүсү Игор Конашенков ҝүндәлик брифингдә билдириб ки, “Белгород вилајәтинин һава мәканында Американын дөрд радар әлејһинә "ҺАРМ" ракети вурулуб.
АБШ Һәрби Һава Гүввәләринә ҝөрә, "ҺАРМ" һава-јер, јүксәк сүрәтли анти-радиасија ракети, радарла тәҹһиз едилмиш һава һүҹумундан мүдафиә системләрини "ахтармаг вә мәһв етмәк" үчүн нәзәрдә тутулуб.
48 километрдән чох мәнзилә малик олан бу ракетләр илк дәфә 1984-ҹү илдә истифадә едилиб вә Кијевин Совет дөврүндән галма дөјүш тәјјарәләриндән атылмаг үчүн ујғунлашдырылыб.
Бундан әввәл Русијанын Белгород вилајәтинин губернатору Вјачеслав Гладков Украјна гүввәләринин бу бөлҝәјә һүҹумуну тәсдиг едиб вә дејиб ки, һүҹумлар нәтиҹәсиндә бир нәфәр өлүб, даһа 10 нәфәр јараланыб.
Украјна рәсмиләри Русијанын Американын анти-радар ракетләринин вурулмасы илә бағлы иддиасына һеч бир реаксија ҝөстәрмәјибләр.
342/
