"Франс Пресс" хәбәр аҝентлијинин мәлуматына ҝөрә, Белчика полиси Авропа Парламентинин витсе-президенти Ева Каили вә даһа 4 нәфәри коррупсија илә бағлы апарылан истинтагла бағлы һәбс едиб. Бу ишлә әлагәдар Италијада да ики нәфәр һәбс едилиб.
Каилинин ҹүмә ҝүнү полис тәрәфиндән һәбсиндән сонра Авропа Парламентинин сәдри Роберта Метсола Авропа Парламентинин витсе-президенти кими Ева Каилијә һәвалә едилмиш бүтүн сәлаһијјәтләри, вәзифәләри вә тапшырыглары, о ҹүмләдән Авропа Парламентинин сәдринин Јахын Шәрг реҝионуну үзрә нүмајәндәлијини дәрһал дајандырыб.
Һәмчинин, ҹүмә ҝүнү Брүсселдә Авропа парламентинин игтисади вә сијаси гәрарларына тәсир етмәк үчүн Фарс көрфәзинин әрәб өлкәләриндән бириндән күлли мигдарда пул алынмасы илә бағлы апарылан истинтаг иши чәрчивәсиндә даһа дөрд нәфәр һәбс едилиб.
Белчиканын федерал прокурорлуғу Фарс көрфәзи өлкәсинин адыны ачыгламаса да, мәсәләјә јахын мәнбә онун Гәтәр олдуғуну билдириб.
Лакин Гәтәр һөкумәт рәсмиси шәнбә ҝүнү Франс Пресс-ә билдириб ки, Гәтәр дөвләти тәрәфиндән һәр һансы бир ганунсузлуг иддиасы ҹидди дезинформасијаја дәлаләт едир.
342/
