Түркијә президентинин мәтбуат катиби Ибраһим Калын "АҺабер" телеканалын ефириндә етдији чыхышында Ермәнистан-Түркијә мүнасибәтләринин нормаллашмасынын мүсбәт истигамәтдә ҝетдијини вурғулајыб. И.Калынын сөзләринә ҝөрә, чох ҝүман ки, јахын вахтларда үчүнҹү өлкә вәтәндашлары үчүн сәрһәд ачылаҹаг вә дипломатик паспортлара иҹазә вериләҹәк.
Рәсми Ирәван һәләлик бу ҝөрүшлә бағлы мәлумат вермәјиб.
Ермәнистан-Түркијә мүнасибәтләринин нормаллашдырылмасы үзрә данышыгларда тәрәфләрин тәјин етдији хүсуси нүмајәндәләр Рубен Рубинјан вә Сердар Кылыч индијәдәк дөрд рәсми ҝөрүш кечириб: биринҹиси Москвада, галанлары Вјанада. Јајда кечирилән сон ҝөрүшдә тәрәфләр үчүнҹү өлкә вәтәндашлары үчүн Ермәнистан-Түркијә сәрһәдинин гисмән ачылмасы вә јүкләрин бирбаша һава јолу илә дашынмасына башланмасы барәдә разылыға ҝәлибләр.
Октјабрын 6-да ики гоншу өлкәнин лидерләри сон 13 илдә илк дәфә Прагада ҝөрүшүбләр.
342/
