ББҸ Фарси-нин баш апарыҹыларындан олан Рәна Рәһимпурун анасы илә телефон данышығынын сәс јазысы јајылыб. Редактор орада асылы медиаја Ираны парчаламаг үчүн мәлум даирәләр тәрәфиндән тапшырыглар верилмәсиндән данышыр вә вурғулајыр ки, пәрдә архасында олан мәгсәд Иран үчүн демократија дејил, онун парчаланмасыдыр.
Бу аудио фајлда Рәһимпур ачыг шәкилдә билдирир ки, Сәудијјә Әрәбистанынын Иран Интернатионал медиасында јалныз сепаратчы партијаларын лидерләринә трибуна вермәк тапшырылыб.
Ханым Рәһимпур Инстаграм сәһифәсиндә бу аудио фајлын һәгигилијини тәсдигләјиб.
Гејд едәк ки, Иранда Мәһса Әмининин өлүмү бәһанәси илә баш верән сон иғтишашлар бир даһа Иран Ислам Республикасынын хариҹи дүшмәнләринин Иранын дахили ишләринә гарышмаг вә даһа чох иғтишашлар төрәтмәк үчүн фүрсәт кими истифадә етмәләринә сәбәб олду. Бу истигамәтдә Иран Интернатионал кими хариҹә бағлы фарсдилли медиа Иран һадисәләрини баҹардыгҹа ишыгландырмагла јанашы, Иранда хаос вә иғтишашлары гызышдырмаға чалышыб. Елә Тһе Ҝуардиан гәзети бу јахынларда Сәудијјә Әрәбистанынын һәмин телеканал үчүн 250 милјон долларлыг нәһәнҝ бүдҹә ајырдығыны јазыб.
Ирандакы иғтишашлары ишыгландырмаг саһәсиндә каналын әсас јанашмаларындан бири сепаратизми тәшвиг етмәк олуб. Бунунла әлагәдар олараг, өтән һәфтәләрдә бу медиа органы әрәбләр вә бәлуҹлар да дахил олмагла сепаратчы партијаларын лидерләри үчүн әсас трибунаја чеврилиб.
Бунунла белә, чох ваҹиб бир һәгигәт унудулур ки, минилликләр тарихи вә сивилизасијасы олан Иран торпағыны сепаратизм јолу илә парчаламаг ҹәһдләри бу дәфә дә ифласа уғрамышдыр.
342/
