Армен Григорјан дејиб: "Биз бир нечә дәфә чалышмышыг ки, Русијанын тәклифләр пакети дәгиг ифадә олунсун,орада Дағлыг Гарабағ мүнагишәсиндән данышылсын. Русија тәрәфи бунун олаҹағына сөз вериб, амма бу, баш вермәјиб.
Биз һәмчинин сүлһмәрамлыларын Дағлыг Гарабағда јерләшмәси һаггында дәгиг гејд олмасыны истәјирдик, амма Сочидә јекун бәјанатда бу да әксини тапмајыб", - дејә Григорјан Фаҹтор.ам нәшринә мүсаһибәсиндә билдириб.
Русија тәрәфи ачыг шәкилдә билдириб ки, онун Ермәнистан тәрәфи үчүн јахшы тәклифләри вар. Ермәнистан, өз нөвбәсиндә, билдириб ки, бу ҝүндәлији тамамилә дәстәкләјир.
Һазырда масада 2 сәнәд вар - бири бизим үзәриндә ишләдијимиз Азәрбајҹанын тәклифләри, диҝәри сүлһ сазишинин параметрләри һаггында идејалары әкс етдирән Русијанын тәклифи. Гәрб садәҹә олараг вариант ахтармаға көмәк едир", - дејә о, сөзүнә давам едиб.
Григорјан тәсдиг едиб ки, тәрәфләр Азәрбајҹанын тәклиф етдији беш бәнддән ибарәт пакет үзәриндә ишләјирләр.
Ермәнистан бир чох ҹәһәтдән јалныздыр. КТМТ-дән лазыми реаксија јохдур.Тәбии ки, Ермәнистан һеч вахт дәһлиз вермәјәҹәк, биз билирдик ки, бу јахынларда тәҹавүзүн сәбәбләриндән бири Ермәнистанын дәһлиз вермәкдән имтина етмәси иди вә онлар Ермәнистана тәзјиг ҝөстәрмәјә чалышырлар", - дејә Григорјан билдириб.
342/
