октјабрын 31-дә Сочидә Азәрбајҹан, Русија вә Ермәнистан лидерләринин үчтәрәфли ҝөрүшү нәзәрдә тутулуб.
Никол Пашинјан дејиб: “Биз Русија сүлһмәрамлыларынын Дағлыг Гарабағда галмасыны истәјирикми? Әлбәттә ки, истәјирик. Рәсми олараг бәјан едирәм ки, Сочидә сәнәд имзаламаға вә Русија сүлһмәрамлыларынын Артсахда мөвҹудлуғунун 10-15-20 ил мүддәтинә узадылмасыны гәбул етмәјә һазырам. Русија Президентинә тәклиф едирәм ки, белә бир тәклифлә чыхыш етсин, лазым ҝәлсә, мән дә едәҹәм, амма Русија президенти буну дәстәкләмәлидир, чүнки Русија Федерасијасынын сүлһмәрамлыларынын бир мүддәт орада галаҹағына тәк мән гәрар верә билмәрәм. Әҝәр Русија илә разылашсаг, чохлуг тәшкил едәҹәјик”.
Гејд едәк ки, Гарабағдакы сепаратчы режим дә Русијанын Гарабағда мүддәтсиз галмасыны истәјир.
Сепаратчыларын рәһбәри Арајик Арутјунјанын Фаҹебоок сәһифәсиндә јазыр ки, о илк нөвбәдә Русија сүлһмәрамлы гүввәләринин миссијасынын мүддәтсиз узадылмасыны ваҹиб сајыр. О бунун һәјати әһәмијјәт кәсб етдијини вурғулајыб вә гејд едиб ки, 2020-ҹи илин нојабрындан етибарән Русија сүлһмәрамлылары онларын тәһлүкәсизлији үчүн мүһүм мәсулијјәт пајына маликдирләр. Онун фикиринҹә, икинҹи әсас параметр исә статусларынын ән азы индики вәзијјәтдә сахланмасыдыр.
10 нојабр 2020-ҹи ил тарихли үчтәрәфли атәшкәс бәјанатына әсасән, Русија сүлһмәрамлы континҝентинин бөлҝәдә галма мүддәти, тәрәфләрдән биринин илкин 5 иллик мүддәтин битмәсинә 6 ај галмыш едәҹәји мүраҹиәтдән асылыдыр.
Сочидә Гарабағла бағлы һәр һансы сәнәдин имзаланмасы еһтималына ҝәлинҹә, Русија президентинин мәтбуат катиби Дмитри Песков лидерләрин ҝөрүшүнү ҝөзләмәк лазым олдуғуну дејиб.
342/
