Һәмин сәс јазысынын мүһарибәдән аз сонраја, Бабәк Сәмидлинин өлүмүндән исә бир нечә ҝүн әввәлә аид олдуғу ҝүман едилир. Аудиојазыны Мејдан Тв јајыб. Һәмин сәс јазысында Бабәк Сәмидли мүһарибә дөврүндә ордудакы чатышмазлыглардан, рәһбәрликдәки нагисликләрдән сөһбәт ачыр. Онун кимәсә һесабат вердији һисс олунур. Амма гаршы тәрәфин ким олдуғу ајдын дејил. Һәмин сәс јазысы бир нечә ҝүндүр сосиал медиада мүзакирә олунур.
Тәһлүкәсизлик мәсәләлыри үзрә експерт Әрәстун Оруҹлу мәсәләјә мүнасибәт билдирәркән дејиб ки, “јајылан сәс јазысы бир чох мәтләбләрдән хәбәр верир. Илк нөвбәдә дедијим кими о, илләрдир бизим ачыгладығымыз хејли һәгигәтләри јенидән ҝүндәмә ҝәтирди. Онларын арасында ән бөјүк вә ән әсас һәгигәт исә будур ки, узун илләрдир өлкәнин Мүдафиә Назирлијиндә мүтәшәккил криминал дәстә фәалијјәт ҝөстәрир.”
Әрәстун Оруҹлуја ҝөрә сәс јазысында сәсләндирилән бир сыра фактлар МН-дәки криминал дәстәнин фәалијјәтинин тәкҹә мәнимсәмәләрдән, коррупсијадан вә рүшвәтхорлугдан дејил, һәм дә дөвләтә хәјанәтдән ибарәт олмасыдыр.
Тәһлүкәсизлик үзрә експерт илләр боју рәһбәрлијиндә коррупсијанын, рүшвәтхорлуғун, тајфабазлығын, групларарасы чәкишмәләрин, хәјанәтин туғјан етдији ордуда вәзијјәт башга ҹүр ола да билмәјәҹәјини хатырладыб.
Експерт Полковник Бабәк Сәмидлинин өлүмү барәдә шүбһәләрин кифајәт гәдәр әсаслы олдуғуну да вурғулајыб. “Бабәк Сәмидлинин Тәртәр ҹинајәтинин ән фәал иштиракчыларындан олмасы вә ҹинајәт төрәдилдикдән сонра онун гурбанларынын аилә үзвләрини пулла әлә алмаг ҹәһдләри һагда онларла шаһид вә сүбутлар вар”- дејән Експерт онун мүәммалы шәкилдә минаја дүшмәсинин бунунла әлагәли олдуғуну билдириб. Әрәстун Оруҹлуја ҝөрә инди сосиал медиа мәканында мүтәшәккил бир груп мәгсәдли шәкилдә иҹтимаи рәји чашдырмаға вә диггәти һадисәнин мүмкүн сәбәби кими һәмин һадисәдән јајындырмаға чалышыр.
Әрәстун оруҹлу бу сәс јазысыны вә онун јајылмасынын ордуја, Азәрбајҹана, еләҹә дә Түркијәјә гаршы тәхрибат адландырылмасына да мүнасибәт билдириб:
“Бу ҹүр јанашманын ортаја атылмасынын сәбәбләриндән бири дә Мүдафиә Назирлијиндә баш верәнләри өлкә иҹтимаијјәтинин диггәтиндән кәнарда сахламаг ҹәһдидир”,- Експерт дејиб.
342/
