Инсан Һаглары Ҝөзәтчиси Тәшкилаты өз һесабатында билдириб ки, Түркијә рәсмиләри депортасија едилмиш суријалы гачгынлары "көнүллү" гајыдыш вәрәгәләрини имзаладыгдан сонра Суријанын шималына гајытмаға мәҹбур едибләр вә бу, ән чох гачгына ев саһиблији етдијини иддиа едән бир өлкә кими Түркијәнин кечмишинә зиддир.
Гачгын вә мигрант һүгуглары үзрә тәдгигатчысы Надиа Һардман дејиб: "Ҝөрүнүр, инди Түркијә Суријанын шималыны гачгынларын сығынаҹағына чевирмәјә чалышыр".
Инсан Һаглары Ҝөзәтчиси Тәшкилаты өз һесабатында Түркијәдән суријалы гачгынларын өзбашына һәбсләри, дөјүлмәси вә депортасијасына сон гојмасыны вә тәһлүкәсизлик гүввәләринин вә миграсија рәсмиләринин суријалылара вә ја һәбс едилмиш диҝәр хариҹи вәтәндашлара гаршы зоракылыг тәтбиг етмәмәләрини вә зоракылыг тәтбиг едән һәр һансы мәмуру мәсулијјәтә ҹәлб етмәләрини тәмин тмәсини тәләб едиб.
Бу инсан һаглары тәшкилаты һәмчинин Түркијәнин суријалы гачгынлары гәбул етмәк мүгабилиндә Авропа Иттифагындан милјардларла доллар алдығына диггәт чәкәрәк, гајыдышын көнүллү олмасындан әмин олмаг үчүн Анкарадан БМТ-нин Гачгынлар үзрә Али Комиссарлығынын көчүрүлмә мәркәзләринә сәрбәст дахил олмасына вә гачгынларын өз өлкәләринә гајытмасы үчүн иҹазәнин алынмасы просесинә нәзарәт етмәсинә иҹазә вермәсини истәјиб.
342/
