Марија Захарова Авропа Иттифагы, АТӘТ, Франса ады алтында гәрб емиссарларынын Ермәнистана сәфәрләринин артдығына диггәт чәкиб.
“Биз Гәрбин Украјнада ишләнмиш гаршыдурма схемләрини ачыг-ајдын өтүрмәјә чалышдығы Загафгазијада ҝүҹләнән һәјәҹанвериҹи тенденсијалардан нараһат олмаја билмәрик”, - дејә Русија ХИН рәсмиси билдириб.
Ермәнистан әтрафында ҝедән просесләр вә Ермәнистан-Азәрбајҹан мүнасибәтләринин нормаллашмасына мүнасибәт билдирән ХИН рәсмиси билдириб: “Гардаш Ермәнистан ҝөрүнмәмиш хариҹи тәзјигләрә мәруз галыб. Өлкәләримиз вә халгларымыз арасында чохәсрлик әлагәләрә хәләл ҝәтирмәк мәгсәдилә Русијанын реҝиондакы сијасәтини ҝөздән салмаг үчүн аддымлар атылыр. Вашингтон вә Брүсселин ҝөстәриши илә фәалијјәт ҝөстәрән чохсајлы фондлар, ГҺТ-ләр вә медиа ҹәмијјәтдә анти-Русија әһвал-руһијјәси ојатмаға чалышыр”.
Назирлик нүмајәндәси билдириб ки, Русија хариҹи гүввәләрин Москва илә Ирәван арасында чәкишмә ҹәһдләри уғурлу олмајаҹаг.
О дејиб: “Биз Ермәнистанла стратежи мүттәфиглији вә чохшахәли әмәкдашлығы ҝүҹләндирмәк әзминдәјик ки, бу да бизә һазыркы чағырышларын бирҝә өһдәсиндән ҝәлмәјә имкан верәҹәк. Биз һәрби-сијаси вә һәрби-техники хәтләр үзрә диалогу инкишаф етдиририк. Онларла ири рус ширкәти Ермәнистан игтисадијјатына инвестисија јатырмаға давам етмәјә һазырдыр. Биз республиканын енержи вә әрзаг тәһлүкәсизлијинин мөһкәмләндирилмәси вәзифәләрини уғурла һәлл едирик”.
Шәрһинә јекун вуран Марија Захарова билдириб ки, Русија президенти Владимир Путин Ермәнистанын баш назири Никол Пашинјаны вә Азәрбајҹан президенти Илһам Әлијеви үчтәрәфли вә икитәрәфли мәсәләләрин бүтүн спектрини мүзакирә етмәк үчүн Русијаја јени үчтәрәфли саммитә дәвәт едиб.
Кремлин сөзчүсү Дмитри Песков да билдириб ки, үч өлкә лидерләринин саммитинә һазырлыг давам едир. Ҝөрүшүн јери вә тарихи барәдә мәлумат вериләҹәк.
342/
