Түркијә вә Јунаныстан сәрһәддинә гејри-мүнасиб вәзијјәтдә олан гачгынларын фотоларыны пајлашдыгдан сонра Јунаныстанын миграсија вә сығынаҹаг назири Нотис Митарачи Түркијәнин гачгынлара гаршы давранышыны "сивилизасија үчүн утанҹвериҹи" адландырыб. Түркијә бу иттиһамлары рәдд едиб вә бу өлкәнин хариҹи ишләр назири Мөвлуд Чавушоғлу да Јунаныстанын үнванына охшар иттиһамлар сәсләндириб. Амма риторика бунунла битмәјиб.
ТРТ каналынын мәлуматына ҝөрә, Түркије Президенти Администрасијасынын Иҹтимаијјәтлә Әлагәләр Идарәсинин рәһбәри Фәхрәддин Алтун Нотис Митаракис тәрәфиндән ирәли сүрүлән иддиаларла бағлы бир твитдә Јунаныстаны гачгынлары дөјмәкдә, суја атыб-боғмагда вә Түркијәјә гаршы сахта вә әсассыз иттиһамлар ирәли сүрмәкдә иттиһам едиб.
Јунаныстанын миграсија назири Нотис Митарачинин өз Твитер сәһифәсиндә пајлашдығы фотода чылпаг һалда олан 92 киши ҝөрүнүр ки, назирин сөзләринә ҝөрә, онлар түрк гајыглары илә Еврос сәрһәд чајына ҝәтирилибләр.
БМТ-нин Гачгынлар Аҝентлији Јунаныстанын Түркијә илә гуру сәрһәдиндә 92 чылпаг инсанын тапылмасы илә бағлы "шокедиҹи һесабатлар вә ҝөрүнтүләрдән дәрин кәдәрләндијини" билдирәрәк, тәҹили арашдырмаја чағырыб.
342/
