Иранын дахили ишләр назири Әһмәд Вәһиди анти-ингилабчы медианын сон иғтишашларын гызышдырылмасында ојнадығы рола ишарә едәрәк, дејиб: "Ираны Гәззә вә Ливана вердији дәстәјә ҝөрә тәнгид едәнләр бу ҝүн Сәудијјә Әрәбистаны тәрәфиндән малијјәләшдирилән фарсдилли каналын иҹрачы органларына чеврилибләр".
Вәһиди бир һәфтә әрзиндә тәкҹә АБШ-да Мәһса Әмини һаггында 1504 мәгаләнин дәрҹ едилдијини гејд едиб.
Назирин сөзләринә ҝөрә, Инҝилтәрәдә 9 ҝүндә бу мөвзуда 720, Авропа Бирлијиндә исә сентјабрын 16-дан 24-дәк 134 мәгалә јазылыб.
Иранын дахили ишләр назири бу мөвзуда 240 милјон твит атылдығына ишарә едәрәк, бунун архасында минләрлә ботун дајандығыны билдириб.
"Дүшмән о гәдәр һәгигәти јаланла әвәз едир ки, бәзиләри буна инаныр", - дејә о, тәәссүфлә гејд едиб.
Иранын дахили ишләр назиринин сөзләринә ҝөрә, иғтишашларда фәал олан бир чох даирәләр, о ҹүмләдән сионист режимин мүтәшәккил һалгалары вар. Бу даирәләрдән бәзиләри һәр бир Молотов коктејли үчүн онлары истеһсал едәнләрә күлли мигдарда пул верибләр.
342/
