ҹүмә ҝүнү Иран Ислам Республикасынын Копенһаҝендәки сәфирлијинә бычагла силаһланмыш шәхсин һүҹумундан сонра бу өлкәнин сәфири Иран Хариҹи Ишләр Назирлијинә чағырылыб.
Силаһлы шәхс сәфирлијә дахил олдугдан сонра Иран сәфирини һәдәләјиб, сәфирлијин әмәкдашына бычагла хәсарәт јетириб вә сәфирликдә парк едилмиш автомобилләрә зијан вуруб.
Һәмин ҝөрүшдә Данимарканын Теһрандакы сәфиринә Иранын бу өлкәдәки сәфирлији вә дипломатларынын дипломатик тәһлүкәсизлијинин тәмин олунмамасы илә бағлы етиразы чатдырылыб.
Сәфирлә данышыгларда вурғуланыб ки, Вјана Конвенсијасына ујғун олараг, бу мәсәләдә ев саһиби олан өлкәнин мәсулијјәти ајдындыр вә Данимарка һөкумәтинин дипломатик биналарла бағлы бејнәлхалг өһдәликләринә садиг галаҹағы гәти шәкилдә ҝөзләнилир.
Данимарканын Ирандакы сәфири дә баш вермиш хошаҝәлмәз һадисә илә бағлы үзр истәјиб вә Иран Хариҹи Ишләр Назирлијинин рәсмисинә бу һадисәдән сонра лазыми тәһлүкәсизлик тәдбирләринин ҝүҹләндирилдијини вә ҝәләҹәкдә дә белә давам едәҹәјини билдириб.
342/
