Дөвләт Департаментинин сөзчүсү Нед Прајс телефон данышығынын мәзмунуну белә шәрһ едиб: “ Блинкен Ермәнистан вә Азәрбајҹанын давамлы сүлһ разылашмасына наил олмаг үчүн атдығы аддымлары тәгдир етдијини билдириб”.
Бу, Ермәнистан вә Азәрбајҹана проблемләрин сүлһ јолу илә һәллинә көмәк етмәк өһдәлијимизи бир даһа тәсдигләјир вә дипломатијанын ирәлијә доғру јеҝанә јол олдуғуну вурғулајыр”, - Прајс билдириб.
АБШ дөвләт катиби Ентони Блинкенин Азәрбајҹан вә Ермәнистан ХИН рәһбәрләри илә данышыгларындан дәрһал сонра Ермәнистан Мүдафиә Назирлији Азәрбајҹанын 17 ермәни һәрбчисини азад етдијини билдириб.
Ермәнистан Медијасы бу өлкәнин Мүдафиә Назирлијинә истинадән билдириб ки, ермәни әсирләрин азад едилмәси Америка тәрәфинин васитәчилији илә баш тутуб.
Бунунла јанашы Азәрбајҹан тәрәфи һәлә бу мәлумата мүнасибәт билдирмәјиб.
АБШ Президентинин милли тәһлүкәсизлик мүшавири Ҹејк Салливан исә твитер сәһифәсиндә Азәрбајҹанын 17 ермәни һәрбчини гаршы тәрәфә тәһвил вермәсини алгышлајыб.
Ермәнистанын баш назири Никол Пашинјан да ермәни әсирләрин Ирәвана тәһвил верилмәсиндә ҝөстәрдији көмәјә ҝөрә АБШ-а тәшәккүр едиб. Пашинјан бу барәдә Твиттердә пајлашым едиб.
Британијанын Бакыдакы сәфири исә билдириб ки, Британија һөкумәти Азәрбајҹанда сахланылан 17 ермәни һәрбчинин Ермәнистана тәһвил верилмәсини алгышлајыр.
Бундан әввәл дә Азәрбајҹан Авропанын тәләби илә бир нечә дәфә сахланылан ермәни һәрбчиләрини гаршылыгсыз олараг ҝери гајтарыб. Сонунҹу белә һал бу илин сентјабрын 8-дә баш вериб вә Азәрбајҹан беш ермәни һәрбчисини гаршы тәрәфә тәһвил вериб.
342/
