базар ертәси Көлн шәһәриндә енержи бөһраны вә Авропа Бирлијинин санксија сијасәтинә гаршы нөвбәти етираз аксијасы кечирилиб. Алманија өзүнүн јенидән бирләшмәсинин илдөнүмүнү гејд едәркән, бир нечә мин вәтәндаш өлкәнин үчүнҹү ән бөјүк шәһәринин күчәләриндә јүрүш кечириб.
Етиразчылардан бири вә електрик мүһәндиси олан Роберт Жунҝиҹһке дејиб: "Прогнозлара әсасән, ҝәлән ил газын гијмәти тәхминән үч дәфә артаҹаг вә бу, орта тәбәгә үчүн о демәкдир ки, бу бөһрана һазырлашмасалар, ҝәлән ил давам ҝәтирә билмәјәҹәкләр. Бу бөһранын ән азы 10 ил давам едәҹәји билдирилир.
О, бу бөһранын сәбәбинин Алманијанын електрик стансијаларынын көһнәлмиш инфраструктурунун олдуғуну билдириб вә әлавә едиб: "Јени електрик стансијаларына еһтијаҹымыз вар. Амма бу електрик стансијаларынын тикинтиси ән азы беш-једди ил вахт апараҹаг вә бу, һазырда шаһиди олдуғумуз вәзијјәтдир вә буна ҝөрә дә ишыгларын кәсилмәсинә һазырлашмалыјыг.
Бу аксијада чыхыш едәнләрин бәзиси Русија илә Алманија арасындакы газ кәмәрләринин сырадан чыхмасына тохунараг, Авропадакы енержи бөһраны илә һәрби бөһран арасында әлагәни арашдырыблар.
Иҹтимаи фәал Бианҹа Пфенһолз дејиб: "Һөкумәт јалан данышмагдан вә јалан вәдләр вермәкдән әл чәкмәлидир. Дөјүш бөлҝәләринә силаһ чатдырылмасыны дајандырмалыдыр. Биз силаһдан истифадә етмәдән сүлһә наил олмалыјыг".
342/
