Сејид Ибраһим Рәиси дүнән ҝеҹә халг илә ҹанлы телесөһбәтдә нүвә мүзакирәләри ишинин сон дуруму барәдәки суалын ҹавабында Франса президенти Еммануел Макронла сон ҝөрүшүнә ишарә илә дејибдир ки, һәмин ҝөрүшдә гарант мәсәләләринин һәлл едилмәси вә Иран халгынын игтисади мәнфәәт имканы илә санксијаларын давамлы сәкилдә арадан галдырылмасы кими ики принсипә тәкид едиб.
Атом Енержиси үзрә Бејнәлхалг Аҝентлијин сијаси јанашмасыны тәнгид едән Рәиси сөјләјиб: Аҝентлијин мәсул шәхсләри Иранын нүвә сәнајесиндән бахыш кечирдикдән сонра елан едирләр ки, јајынма баш вермәјиб, амма Авропаја гајыдан вә ја сионист режим тәрәфиндән онлара зәнҝ едилән кими, ифадә тәрзләри дәјишир ки, бу мөвгедәјишмә, мәсәләјә сијаси јанашманын әламәтидир.
Рәиси һәмчинин сијаси даирәләр вә медиалар тәрәфиндән бөјүк диггәтлә гаршыланан онун БМТ Баш Ассамблејасында Һаҹы Гасым Сүлејманинин шәклини ҝөстәрмәк үзрә тәшәббүсү, һәмчинин бу тәшәббүсүн месажы вә мәгсәди һагда белә дејиб: Демәк истәдим ки, ИШИД-ин јарадыҹылары америкалылар олублар вә ИШИД вә терроризмлә мүбаризәнин гәһрәманы олан Һаҹы Гасым Сүлејмани мәһз америкалылар вә Американын сабиг президентинин әли илә шәһид едилибдир.
Иранын Шанхај Әмәкдашлыг Тәшкилатына үзвлүјү илә өлкәмизин игтисади ҹәһәтдән Асијанын игтисади инфраструктурларына говушдуғуну дилә ҝәтирән Рәиси вурғулајыб: Шанхај тәшкилаты өзүндә дүнја әһалисинин диггәтәлајиг бир һиссәсинә јер вериб. Тәшкилата үзв өлкәләр дүнја игтисадијјатынын мүһүм бир һиссәсинә маликдирләр вә тәбии ки, Иранын бу өлкәләрлә игтисади-тиҹари әлагәләри Иран тиҹарәти вә игтисадијјатынын инкишафына көмәк едә биләр.
Рәиси һәмчинин ханым Мәһса Әмини үчүн баш вермиш һадисә барәдә дејиб: Мәһса Әмининин вәфат етмәси маҹәрасында бизим принсипимиз, шәффафлыг вә әдаләтдир; әҝәр бу мәсәләдә бир гүсур вә тәгсир олмуш оларса, билин ки, тәгиб олунаҹагдыр.
Рәиси сонра сон иғтишашлар барәдә сөјләјиб: Бүтүн Иран халгы белә бир ҹәһәтдә мүттәфигдир ки, бу ҝүн өлкәдә һәр һансы чахнашма вә иғтишаш, халгын ҹаны вә малына тәҹавүзә вә тәһлүкәсизлијин алынмасына баис олаҹаг. Бу үздән, һәр кәс вә һәр бир груп тәрәфиндән иғтишаш, гәбуледилмәздир.
Халгын бу мәсәләдә әкс-ингилабчылары накам гојдуғуну бәјан едән Иран президенти билдирибдир ки, онлар кечмиш фитнәләрдә олдуғу кими, өлкәдә гармагарышыглыг јаратмаг истәјирдиләр.
342/
