«Гүдрәт-1401» һәрби тәлимләринин сөзчүсү- икинҹи дәрәҹәли бригада ҝенералы Кәрим Чешәк дејиб: Бу тәлимләр пијада, зиреһли, артиллерија, гуру гошунларынын һава гүввәләри, пилотсуз тәјјарәләр, мүһәндислик, һава-десант, електроника мүһарибәси бөлмәләринин иштиракы вә ордунун һәрби һава гүввәләринин нәглијјат тәјјарәләринин һимајәси илә ики ҝүн мүддәтинә Исфаһан вилајәтинин Нәсрабад үмуми бөлҝәсиндә кечириләҹәк.
Икинҹи дәрәҹәли бригада ҝенералы Чешәк әлавә едиб: Иран Ислам Республикасы Ордусунун гуру гошунларынын «Гүдрәт-1401» һәрби тәлимләри ордунун гуру гошунлары бөлмәләринин јени тәһдидләрлә мүбаризәдәки дөјүш һазырлығы сәвијјәсинин дәјәрләндирилмәси вә јүксәлдилмәси мәгсәди илә һәјата кечирилир.
Һәмчинин Һәзрәт Хатәм-үл-Әнбија (с.ә.с.) адына мәркәзи гәрарҝаһын команданы ҝенерал-мајор пасдар Гуламәли Рәшид Иран Ислам Республикасы Ордусунун гуру гошунлары команданларынын гаршыысында вә гуру гошунларынын «Гүдрәт-1401» һәрби тәлимләриндә сионист режимин ҹинајәткар башчыларынын сөзләри, һәмчинин Иран Ислам Республикасынын мәнафеји, милли тәһлүкәсизлији вә нүвә тәсисатларына гаршы тәһлкүәсизлик-һәрби аддымлар атмагла тәһдид етмәк мәсулијјәтини өз үзәрләринә ҝөтүрмәләринә ишарә илә билдириб ки, сионист режим, Иран Ислам Республикасынын милли тәһлүкәсизлијинә гаршы бир тәһдид кими өн планда дурур.
Ҝенерал-мајор пасдар Рәшид әлавә едиб: Ишғалчы сионист режимин Иранын мәнафеји вә милли тәһлүкәсизлијинә гаршы һәр һансы тәһдидедиҹи һәрәкәтләри Американын координасијасы вә һимајәси илә һәјата кечирилир вә Иранын силаһлы гүввәләринин бу тәһдидләрә ҹавабы, гәтијјәтли олаҹаг.
342/
