Иран Ислам Республикасынын хариҹи ишләр назири Һүсејн Әмир- Абдуллаһијанын Москваја сәфәри заманы Франса президенти Еммануел Макронун Ирандан васитәчилик етмәсини хаһиш етмәси хәбәринин јајылмасы олду. Белә ки, франсызлар гышда донмамаг үчүн Иран һакимијјәтиндән Русија илә Авропа арасында васитәчилик етмәсини хаһиш етмишдиләр.
Мүшаһидәләр ҝөстәрир ки, НАТО-нун тәһрики илә Украјна бөһранынын башламасындан 6 ај кечсә дә, онун мәнфи нәтиҹәләри дүнјанын бир чох өлкәләринә, хүсусән дә Авропа өлкәләринә көлҝә салыб. Хүсусән дә авропалылар Русија енержисиндән асылылығы азалтмаг үчүн һәлл јолу тапа билмирләр.
Игтисадијјат експертләри вурғулајырлар ки, Авропа енержи проблемини һәлл едә билмәсә, енержи секторунда гијмәтләрин галхмасы фонунда онлар сәрт гышы ҝөзләмәли олаҹаглар.
Бу арада авропалыларын енержи бөһраныны һәлл етмәк үчүн дүшүндүкләри үсуллардан бири Теһран илә Москванын стратежи әлагәләринин јени сәвијјәјә јүксәлдији үчүн Иранын имканларындан истифадә етмәји ҝүндәмә ҝәтирмәләридир.
Гәрбин бу истәји Иранын реҝиондакы ролунда јени фәсилдән башланмасындан хәбәр верир. Даһа доғрусу онлар Иранын енержи саһәсиндә һәлледиҹи ојунчу кими мөвгејини вә васитәчилик имканларыны унутмаға гадир дејилләр. Бунунла јанашы Иранын Украјна бөһранынын һәлли илә бағлы дипломатик тәшәббүсү рәсми Теһранын хариҹи сијасәтдә мүһүм бир бејнәлхалг ојунчуја чеврилдијини ҝөстәрир. Бу исә о демәкдир ки, Ираны тәҹрид етмәк сијасәти тамамилә ифласа уғрајыб вә бөјүк ҝүҹләр бу ҝүн бејнәлхалг мәсәләләрин һәллиндә Иранла мәсләһәтләшмәјә, ондан көмәк истәмәјә мәҹбурдурлар.
342/
