Лачын шәһәри, Забух вә Сус кәндләринин сакинләри августун 25-дәк јашајыш мәнтәгәләрини тәрк етмәли идиләр, чүнки Гарабағы Ермәнистанла бирләшдирән јени дәһлизин ишә салынмасы илә әлагәдар бу јашајыш мәнтәгәләри Азәрбајҹанын нәзарәтинә кечиб.
Мәлуматда гејд олунур ки, 30 ил бојунҹа ишғалда галмыш бу гәсәбәләрин сакинләри сон әшјаларыны евләриндән чыхарыр, мәдәнијјәт абидәләри евакуасија олунур. Гондарма ДГР-нин әрази идарәетмә вә инфраструктур назиринин мәтбуат катиби Викторија Петросјан бу инсанларын мәскунлашдырылмасыны шәрһ едәркән АРМЕНПРЕСС-ә билдириб ки, бу гәсәбәләрин сакинләринин әксәријјәти Ермәнистанын мүхтәлиф јашајыш мәнтәгәләриндә мәскунлашмаг истәјир.
Сүник губернаторунун көмәкчиси Армине Авагјан исә билдириб ки, Лачын вә Забуху тәрк едән 20 аилә әјаләтдә мәскунлашмаг арзусуну билдириб.. Онлар әсасән Горис вә Сисиан шәһәрләриндә мәскунлашыблар.
Диҝәр тәрәфдән Ирәван меријасы Забух вә Ламындан чыхан аиләләрин Ирәванда мәскунлашмаг үчүн мүраҹиәт едиб-етмәмәси илә бағлы суала ҹаваб олараг билдириб ки, бу мәсәлә илә бағлы онлара һеч ким мүраҹиәт етмәјиб.
342/
