АБНА24 Хәбәр Верир , Фәаллара мајын 20-дә Ағыр Ҹинајәтләр Мәһкәмәсинин өнүндә сахланылдыгдан сонра 22-ҹи полис бөлмәсиндән ДИН-ин Мүтәшәккил Ҹинајәткарлыға гаршы Мүбаризә Идарәсинә дејил, Нәсими Рајон Полис Идарәсинә апарылдыгларыны билдирибләр.
Буну сүбут етмәк үчүн фәалалры Нәсими Рајон Полис Идарәсинә апарыб ҝириши, пиләкәнләри, отаглары ҝөстәрибләр.
Фәаллар башларына торба кечирилдијини вә нә пилләкәнләри, нә отаглары ҝөрмәдикләрини хатырладыблар, амма мәсафәјә ҝөрә мәһз БМҸМИ-јә апарылдыгларыны һесаб едирләр. Амма Нәсими Рајон Полис Идарәсинә апарылсалар белә, һарада ишҝәнҹәјә мәруз галдыгларынын нә фәрги вар? Фәаллар онлара гаршы физики зоракылыг тәтбиг едәнләрин ҹәзаландырылмасыны истәдикләрини гејд едибләр.
Бундан әввәл ДИН-ин мәтбуат хидмәтинин рәиси Еһсан Заһидов Кәримов вә Әләкбәровун БМҸМИ-дә ишҝәнҹәјә мәруз галдыглары һаггында бәјанатларыны тәкзиб едиб. Онун сөзләринә ҝөрә, бу шәхсләр полис бөлмәсинә апарылыблар вә профилактик сөһбәт апарылдыгдан сонра сәрбәст бурахылыблар.
Гејд едәк ки, мајын 20-дә полис 6 ил һәбс ҹәзасы алан "Мүсәлман Бирлији" Һәрәкатынын үзвү Рази Һүмбәтов барәсиндә һөкмүн охунаҹағы заман Бакы Ағыр Ҹинајәтләр Мәһкәмәси гаршысында топлашан диндарлары дағыдыб. Беш нәфәр сахланылыб, онлардан үчү 30 ҝүн мүддәтинә һәбс едилиб. Кәримов вә Әләкбәров мајын 20-дә ахшам сәрбәст бурахылыблар вә БМҸМИ-дә ишҝәнҹәләрә мәруз галдыгларыны билдирибләр.
342/
26 may 2022 - 10:29
Xəbər kodu: 1261081
"Мүсәлман Бирлији" Һәрәкатынын үзвләри Маил Кәримов вә Сүлејман Әләкбәров полис бөлмәсиндә ишҝәнҹәләрә мәруз галдыглары һаггында бәјанатларындан сонра мајын 24-дә Бакы шәһәр Баш Полис Идарәсинә дәвәт олунублар. Онлары идарәнин рәис мүавини Вүгар Әләкбәров гәбул едиб вә онлардан ифадә алыныб.
