АБНА24 Хәбәр Верир , 40 ил бундан әввәл 1982-ҹи илдә мајын 24-дә Иран Ислам Республикасынын ҹәнуб-гәрбиндә Хүррәмшәһр дүшмәнин ишғалындан азад олунду.
Иран тәгвиминдә бу ҝүн Мүгавимәт, Фәдакарлыг вә Гәләбә Ҝүнү адландырылыр.
Хүррәмшәһрин азад олунмасы гәһрәманлығы бүтүн ҹәһәтләрдән, һәм һәрби гәһрәманлыг, һәм дә мәдәни бахымдан Иран Ислам Ингилабы тарихиндә дөнүш нөгтәсидир.
Хүррәмшәһр Иранын ҹәнуб-гәрбиндә јерләшән Хузистан вилајәтинин ҝөзәл лиманларындан биридир вә Фарс көрфәзинин шимал-гәрбиндә Карун вә Әрвәнд чајларынын говшағында јерләшир. 1980-ҹи ил нојабрын 25-дә Сәддам режиминин ишғал етдији лиман шәһәри 578 ҝүн сонра шәрәфли бир әмәлијјатла азад едилди.
Хүррәмшәһр Ирана һүҹумун әввәлиндән Сәддам ордусунун ишғал етдији ән мүһүм шәһәр олдуғундан, бу шәһәрин горунуб сахланмасы Сәддам режими үчүн чох ваҹиб иди, о дәрәҹәдә ки, Сәддам гүрурла иддиа едирди ки, әҝәр Хүррәмшәһр ҝери алынарса, Ирагын ҹәнубундакы стратежи Бәсрәни иранлылара тәгдим едәҹәкдир, лакин Ираг диктатору өз сөзүнү тутмады вә дүнја һәрби експертләринин тәәҹҹүбү гаршысында Ираг ордусунун мөвгеләри әлә кечирилди.
Имам Хомејни һәзрәтләри о заман Хүррәмшәһрин азад едилмәси мүнасибәтилә Иран халгына мүраҹиәт етди вә шәһәрин Аллаһ тәрәфиндән азад едилдијини вурғулады.
Ислам Ингилабынын Алимәгамлы Рәһбәри Һәзрәт Ајәтуллаһүл-узма Хаменеи исә бу ҝүнүн һаггында белә дејир: Иран гошунлары өз ҝүҹләринә архаланараг вә Уҹа Аллаһа тәвәккүл едәрәк һәрәкәтә кечдикдә, дүнјада һеч ким Хүррәмшәһри азад едә биләҹәкләринә инанмырды; Амма бу, мүмкүн олду. Биз Хүррәмшәһри ҝери алдығымызы елан едәндә дүнја хәбәр аҝентликләри бир-ики ҝүн хәбәри ишыгландырмаг үчүн һазыр дејилдиләр - онлар буна шүбһә илә бахырдылар - амма белә олду вә сонда һамы бу гәләбәни етираф етмәк мәҹбуријјәтиндә галды.
Беләликлә дә Хүррәмшәһр азад едилди вә дөјүшчүләрин вә Иран халгынын Мүгәддәс Мүдафиәсиндә вә зәфәр салнамәсиндә халгын гәләбә вә бирлик вә һәмрәјлијинин хатирәси бу дијарын тарихиндә шанлы бир дастан кими әбәдиләшдирилди.
Бу ҝүн Ислам дүнјасынын бир-чох јериндә ишғала гаршы мүбаризәдә иранлыларын газандығы тәҹрүбәләр әхз олунараг өз нәтиҹәләрини ортаја гојур вә Иран дөјүшчүләринин гәһрәманлығы ишғалла мүбаризә апаран халглар үчүн илһам мәнбәјинә чеврилмишдир.
342/
25 may 2022 - 17:48
Xəbər kodu: 1260885
Иранда мајын 24-ү, Хүррәмшәһрин Ираг Бәәс режиминин ишғалындан азад едилмәсинин илдөнүмү гејд олунур.
