Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ермәнистанын Баш назири Никол Пашинјан Азәрбајҹанла сәрһәдләрин делимитасијасы вә тәһлүкәсизлији үзрә комиссијанын јарадылмасы һаггында фәрман имзалајыб.
БубарәдәЕрмәнистанНазирләрКабинетимәлуматјајыб.
Билдирилиб ки, Ермәнистан-Азәрбајҹан сәрһәдләринин делимитасијасы вә тәһлүкәсизлији үзрә комиссијаја Баш назирин мүавини Мгер Григорјан рәһбәрлик едәҹәк. Ејни заманда комиссијанын тәркибинә назирликләрин вә диҝәр структурларын нүмајәндәләри дә дахил олаҹаглар.
Јәни комиссијада Ермәнистан хариҹи ишләр назиринин мүавини Мнатсакан Сәфәрјан, мүдафиә назиринин мүавини Арман Саркисјан, әдлијјә назиринин мүавини Григор Минасјан вә әрази идарәетмә вә инфраструктур назиринин мүавини Ованнес Арутјунјан, бејнәлхалг һүгуги мәсәләләр үзрә нүмајәндә Јегише Киракосјан, Силаһлы Гүввәләрин Баш Гәрарҝаһ рәисинин мүавини Аракел Мартикјан, Кадастр Комитәсинин рәис мүавинләри Нарине Авакјан вә Арам Гугаратс, Милли Тәһлүкәсизлик Хидмәтинин (МТХ) Сәрһәд Гошунларынын команданы Арман Маралчјан, МТХ-нин департаментләрдән биринин рәһбәри Д.Санамјан вә Ермәнистан Силаһлы Гүввәләринин Һәрби Топографик Хидмәтинин рәиси Серҝеј Петросјан јер алаҹаглар.
Диггәт: Хәбәрдән Истифадә Етдикдә Мәнбәјә Истинад Лазымдыр!
