АБНА24 Хәбәр Верир , Иранын енерҝетика назири Әли Әкбәр Меһрабиан Теһранда Азәрбајҹан Республикасы баш назиринин мүавини Шаһин Мустафајев илә ҝөрүшдә, гаршы тәрәфлә, гејд олунан мәсәләләр әтрафында фикир мүбадиләси апарыб.
Ики өлкә әлагәләринин мүхтәлиф саһәләрдә даһа да ҝенишләндирилмәсиндә мараглы олдугларыны ифадә едән тәрәфләр икитәрәфли әмәкдашлыглар үзрә имканлары олдугҹа мүнасиб адландырыб,/ һидроенерҝетиканын бирҝә инкишафы гаршысында дуран манеәләрин арадан галдырылмасыны вурғулајыблар.
Иранын енерҝетика назири вә Азәрбајҹан Республикасынын баш назир мүавини һәмчинин Иран, Русија вә Азәрбајҹан Республикасынын електрик шәбәкәләринин синхронлашдырылмасы лајиһәсинә тохунублар. Тәрәфләр манеәләрин арадан галдырылмасы вә лајиһәнин тез бир заманда һәјата кечирилмәсини истәјибләр.
Иран-Азәрбајҹан Республикасы әлагәләри ики өлкә президентләринин Игтисади Әмәкдашлыг Тәшкилатынын 2021-ҹи ил нојабрын 28-дә Ашгабадда кечирилән саммити чәрчивәсиндәки ҝөрүшүндән сонра даһа чох сүрәт алыб. Бу ҝөрүшдән сонра ики өлкә рәсмиләри арасындакы данышыглар тиҹари вә игтисади саһәләр дә дахил олмагла әлагәләрин ҝенишләндирилмәси мәгсәдилә мүнтәзәм шәкилдә давам едибдир.
342/
21 may 2022 - 14:37
Xəbər kodu: 1259505
Иранын енерҝетика назири Иран илә Азәрбајҹан Республикасы арасында өнҹә әлдә олунмуш разылашмалара әмәл едилмәси вә ики өлкә әлагәләринин ҝенишләндирилмәсини вурғулајыб.
