Даһа бир Исраил һејәти Бакыда пејда олуб

АБНА24 Хәбәр Верир , Илһам Әлијев мајын 17-дә Исраилин кәнд тәсәррүфаты вә кәнд јерләринин инкишафы назири Одед Форери гәбул едиб.

Ҝөрүшдә Азәрбајҹанла Исраил арасында игтисади әлагәләрә тохунулуб, кәнд тәсәррүфаты саһәсиндә һәјата кечирилән әмәкдашлығын перспективләриндән данышылыб. Исраилин мүасир технолоҝијаларынын Азәрбајҹанын кәнд тәсәррүфатында тәтбиги илә бағлы фикир мүбадиләси апарылыб.

Ермәни ишғалындан азад едилмиш әразиләрдә ҝөрүлән ишләрдән данышан Азәрбајҹан дөвләт башчысы бу торпагларда дәрһал кәнд тәсәррүфаты лајиһәләринин һәјата кечирилмәсинә башланылдығыны вә артыг мүәјјән нәтиҹәләрин әлдә едилдијини билдириб.

Одед Форер дә кәнд тәсәррүфаты саһәсиндә өлкәләримизин мүвафиг гурумлары арасында јахшы әмәкдашлығын мөвҹуд олдуғуну дејиб.

О билдириб ки, Азәрбајҹанда әлдә едилән инкишафын бөјүк имканлар јаратдығы нәзәрә алынараг Гарабағ реҝионунда да әмәкдашлыг үчүн јахшы потенсиал вар.

Хатырладаг ки, Сионист режим Азәрбајҹан Республикасынын кәнд тәсәррүфаты секторунда өз һөкмранлығыны ҝенишләндирмәк вә тамамламаг үчүн ҹидди шәкилдә јени планларыны ҝүндәмә ҝәтириб.
Бу мәгсәдлә Исраил Азәрбајҹанда ағыллы кәндләр јарадыр, Исраил Азәрбајҹан Республикасынын су еһтијатларынын 30 иллик идарәетмә планыны тәгдим едир, Азәрбајҹан Республикасынын фермерләри вә бағбанлары үчүн исраилли мүтәхәссисләр тәрәфиндән тәлим курслары кечирилир вә саирә.
Мәлумат үчүн билдирәк ки, сон илләрдә сионист режим Азәрбајҹан Республикасыны нефт тәдарүкүнүн әсас мәнбәји вә силаһ сатышы үчүн әсас базара чевириб.
Һазырда мәлуматлы мәнбәләр билдирирләр ки, сионист режим әкинчилик вә бағчылыг лајиһәләри вә Иран сәрһәди јахынлығында ағыллы кәндин јарадылмасы кими планлары васитәсилә тәхрибат вә ҹасуслуг фәалијјәтләри һәјата кечирир.

342/