АБНА24 Хәбәр Верир , өтән ҝүн дөвләт телевизијасында ҹанлы јајмланан верилишдә Русијанын нүвә зәрбәси ендирә биләҹәји мүмкүн һәдәфләрин хәритәси пајлашылыб.
Бунунла әлагәдар “Россија-1” каналында јајымланан мүзакирә програмында чыхыш едән сијаси шәрһчиләр вә експерт групу Москванын нүвә силаһындан истифадә еһтималларыны мүзакирә едибләр.
Телевизијада јајымланан хәритәдә ракетләрин Русијанын Калининград бөлҝәсиндән ҝөндәрилдији, Берлинә 106, Парисә 200, Лондона исә 202 санијәјә чатдығы әкс олунуб.
Програмда чыхыш едән сијаси шәрһчи Алексеј Журавлјов Русијанын “Сармат” ракетиндән истифадә едәҹәји һалда, Британија адалары дејә бир әразинин олмајаҹағыны билдириб.
Верилишдә иштирак едән башга бир сијасәтчи исә Авропанын да нүвә силаһындан истифадә едә биләҹәјини вурғулајыб: “Әҝәр мүһарибә бу нөгтәјә ҝәлсә, һеч ким сағ галмајаҹаг”.
Бу ачыгламаја ҹаваб верән Журавлјов билдириб: “Биз һәр шеји сыфырдан башлајарыг. Онлар бизи дөвләт террору төрәтмәкдә иттиһам едирләр”.
Хатырладаг ки, Путин бу јахынларда Русијанын тәкмилләшдирилән “һиперсониҹ” ракетләринин бүтүн мүасир мүдафиә системләрини мәғлуб едә биләҹәјини дејәрәк, нөвбәти ајларда Британијаны вура биләҹәкләрини билдирмишди. Британија исә ҹавабында "биздә дә охшар силаһларвар" демишди.
342/
2 may 2022 - 11:59
Xəbər kodu: 1254135
Русијанын дөвләт телевизијалары нүвә мүһарибәсијлә бағлы чыхышлар етмәјә башлајыблар.
