Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, 27 апрел 2022-ҹи ил, Бејнәлхалг Гүдс ҝүнү әрәфәсиндә Үмумдүнја Әһли-Бејт (ә) Ассамблејасы вә Үммәти Ваһидә Мәркәзи тәрәфиндән “Фәләстин; Бизим Ән Башлы Мәсәләмиздир” адлы вебинар кечирилиб.
Үмумдүнја Әһли-Бејт (ә) Ассамблејасынын баш катиби Ајәтуллаһ Рза Рамазанинин вебинарда етдији чыхышыны тәгдим едирик:
Бисмилләһир Раһмәнир Раһим
“Мәрһум Имам Хомејнинин мүдрик вә ҹәсарәтли тәшәббүсү Үмумдүнја Гүдс Ҝүнү адланан бөјүк вә мүһүм бир ҝүнүн әрәфәсиндәјик. Сионистләрин ишғалчы сијасәтләринә гаршы олараг Фәләстин халгына дәстәк веририк. Үмумдүнја Гүдс Ҝүнү Имам Хомејнинин сајәсиндә глобал сионизим тәкәббүрг илә мүбаризә апармаг үчүн бөјүк бир һәрәката чеврилди.
Имам Хомејни вә Али Рәһбәрин дедији кими, Фәләстин мәсәләси Ислам үммәтинин ән мүһүм вә әсас ортаг мәсәләсидир. Фәләстин фәләстинлиләрә мәхсусдур вә Фәләстинлиләрин бүтүн дин вә етникләринин референдуму шәклиндә онларын ирадәси илә идарә олунмалыдыр вә шүбһәсиз ки, јәһудиликдә бидәт олан вә она тамамилә јад олан сионист систем ләғв едилмәлидир.Гүдсү террор базасына чевирән бу залым режимлә мүбаризә зүлм вә террорла мүбаризәдир вә бу, һәр бир инсанын иҹтимаи бир вәзифәсидир.
Өтән әсрдә бәшәријјәтин төрәтдији ҹинајәтләр арасында белә бөјүк вә ағыр ҹинајәт јохдур ки, бир өлкә гәсб едилсин, халгы өз јурд-јувасындан, ата-баба јурдундан әбәди олараг дидәрҝин салынсын. Доғрудан да бу өз-өзүнә јаранмыш тәригәтин-сионизмин јыртыҹы маһијјәтини вә шејтанлығыны ҝөстәрир.
Сионистләрин 24 протоколуна истинад етмәклә мәлум олур ки, бу гәддар давранышларын көкү мәһз бу инанҹлардан гајнагланыр, беләликлә, гәсбкар сионистләр өзләрини үстүн ирг вә дин һесаб едир вә диҝәр динләр вә инсанлар үчүн дәјәр вермирләр. Мәгсәдләринә чатмаг үчүн һәр бир һәрәкәти вә ҹинајәти иҹазәли һесаб етдикләри үчүн дүнјанын һөкмдары олмагдан өтәри өзләринә мәхсус һөкмранлыг системини формалашдырырлар.
Биринҹи Дүнја Мүһарибәсинин галиби олан вә Парис Конфрансында Гәрби Асија бөлҝәсини мүһарибә гәнимәти кими бөлән Гәрб һөкумәтләри бу хәрчәнҝ шишинин әмәлә ҝәлмәсиндә мәсулијјәт дашыјырлар.
Тәәссүф ки, бејнәлхалг тәшкилатлар һуманитар, инсан һаглары вә азадлыг иддиаларына бахмајараг, бу ушаг гатили режиминин ҹинајәтләринин гаршысыны алмаг үчүн һеч бир сәј ҝөстәрмирләр. Она ҝөрә дә бүтүн Ислам үммәтинин вә алимләринин вәзифәси бу ҹинајәтләр гаршысында сусмамаг, дини вә гануни вәзифәсини јеринә јетирмәкдир. Гејрәтли вә тәгвалы мүсәлманлар өз габилијјәтләринә ҝүвәнмәли, гәддар сионист режимлә гүдрәт мөвгејиндән үз-үзә дурмалыдырлар, чүнки ганичән дүшмәнлә анҹаг гүдрәт дили данышмаг олар.
Бир вахтлар ордусу Сәбра вә Шатилә дүшәрҝәләриндә ган ҝөлүнә салан режимин бир нечә илдән сонра Һизбуллаһын ағыр зәрбәләри гаршысында неҹә ағыр иткиләр верәрәк ҝери чәкилмәк мәҹбуријјәтиндә галдығыны унутмаг олмаз. Ислам үммәти бу мүгәддәс ҹиһада көмәк етмәк истәјирсә, мүбаризәни давам етдирмәк вә ҹиһадчы тәшкилатлары тәшкил етмәкдән башга чарәси јохдур...
Бу ҝүн дүнјада јени низам формалашыр, Икинҹи Дүнја Мүһарибәсиндән сонра формалашан көһнә низам дәјишир. Бу илләр әрзиндә әслиндә мүгавимәт ҹәбһәсинин башыны ајры-ајры мәсәләләрә гатмаг вә сионист режимин һәјатыны узатмаг үчүн Гәрби Асија вә Шимали Африка реҝионунда баш верән ҹинајәтләрдән сонра Фәләстин мәсәләси бир даһа Ислам дүнјасынын бүтүн әлагәдар вә азад фикирли ҹәрәјанларынын диггәтини чәкди...
Бу ҝүн мүгавимәт гүввәләринин мүдафиә вә һүҹум бахымындан бөјүмәси, өзләринә инамы вә өзүнү дәрк етмәси ән һәссас Ислам бөлҝәләриндә ҝүҹ балансыны Ислам дүнјасынын хејринә дәјишиб. Гәсбкар режимлә мүнасибәтләрин нормаллашмасы мәгсәди илә һәјата кечирилән "Әсрин мүгавиләси" адлы мәнфур лајиһә уғур газанмајаҹаг, әксинә, Фирон вә диҝәр залымларын сәјләри кими сионист дүшмән режиминин ашағыја, тәнәззүлә уғрајан һәрәкатыны сүрәтләндирәҹәк.
Мүгавимәт Ҹәбһәсинин мејдана чыхмасы сионист режимин ишини чәтинләшдириб вә иншаллаһ даһа да чәтинләшәҹәк, лакин бу режимин тәрәфдарлары, хүсусилә дә АБШ бу гејри-гануни режимин мүдафиәсини, еләҹә дә мүгавимәт ҹәбһәсинә гаршы дүшмәнчилијини даһа да артыраҹаглар. Одур ки, Фәләстин мәсәләсинә тохунмаг бизи Мүгавимәт Ҹәбһәсинин диҝәр тәрәфләринә, о ҹүмләдән Јәмән вә Бәһрејнә көмәк етмәкдән вә онлара дәстәк вермәкдән јајындырмамалыдыр.
Халг ирадәси далғасына гаршы мүртәҹе әрәб өлкәләри һөкумәтләринин гаршыдурмасы бу һөкумәтләр үчүн јахшы нәтиҹә вермәјәҹәк вә онлар кечмиш илләрдә бош үмидләр вә хәјалларла сионист режими илә данышыг апаран, дүшмәнләрә гошулан һөкмдарлары хатырламалыдырлар, онларын ҝөрдүјү ишләрин сону нә олду? Бу ҝүн биз “Камп Девид”ин аҹы талеји илә үз-үзәјик, она ҝөрә дә онлара хатырлатмаг лазымдыр ки, бу уғурсуз ҹәһдләрлә онлар өз милләтләринин, Ислам үммәтинин вә дүнјанын азадлыг ахтаранларынын коллектив ирадәси илә гаршы-гаршыја ҝәлә билмәјәҹәкләр.
Имам Хаменеи һәзрәтләринин бујурдуғу кими, биз һамымыз, о ҹүмләдән дөвләт хадимләри, зијалылар, дин алимләри, партија вә груплар, гејрәтли ҝәнҹләр вә башгалары бу глобал һәрәкатда өз јеримизи тапмалы, өз ролумузу ојнамалыјыг. Гејрәтли Фәләстин ҝәнҹләри бу илләр әрзиндә өзләрини мүгәддәс Гүдсүн мүдафиәсинә вә гәсбкар режимин исрафчы сијасәтләринә гаршы дурмаға һәср етдиләр ки, бир вахтлар мәғлубедилмәз вә гүдрәтли орду һесаб едилән сионист режимин ордусу инди Фәләстин халгынын мүгавимәти гаршысында ҝери чәкилмәјә мәҹбур вә мәһкумдур.
Јени Ислам сивилизасијасынын јарадылмасы бу ҝүн һәр бир мүсәлманын мәгсәдидир вә бу сивилизасија Ислам халгларынын бөјүк имканларындан вә мүсәлман өлкәләринин синержисиндән истифадә етмәклә әлдә едилир. Али Мәгамлы Рәһбәрин сөзләринә ҝөрә, бу, мәрһум Имам Хомејнинин нурлу гәлбини Рамазан ајынын сонунҹу ҹүмә ҝүнү Бејнәлхалг Гүдс Ҝүнүнү елан етмәјә вадар едән һәгигәтдир. Үмид едилир ки, Фәләстин халгы Гүдсдәки ишғалчы режимин тезликлә мәһв едилмәси илә өз ајрылмаз һүгугларына наил олаҹаг.
Уҹа Аллаһдан диләјирик ки, дүшмәнләрин һијләләрини өзләринә гајтарсын вә бу кәдәри бу халгдан узаглашдырсын.Онлары бир јерә топлајараг сыраларыны ҝүҹләндирсин, иззәт вә әзмләрини артырсын. Сүлһ вә сабитлији ҝәтирсин.Бүтүн Ислам өлкәләри үчүн Ислам бирлијинә үз тутмаг мәрһәмәт, гардашлыг вә севҝи рәмзидир.”
Диггәт: Хәбәрдән Истифадә Етдикдә Мәнбәјә Истинад Лазымдыр!
