АБНА24 Хәбәр Верир , Макронун һакимијјәтдә олдуғу 5 ил әрзиндә Ермәнистан-Франса достлуғу даһа јүксәк мәрһәләјә чатыб.
Политолог Ваһе Погосјан бу барәдә дејиб: "Макронун јенидән Президент сечилмәси индики мәгамда Ермәнистан-Франса мүнасибәтләриндә баш верә биләҹәк ән јахшы шејдир. Франса Республикасы һәмишә Ермәнистан Республикасы вә ја Ермәнистанын хариҹи сијасәтинин, хүсусән дә Авропа Иттифагы чәрчивәсиндә хариҹи сијасәтинин мүһүм истигамәтләриндән бири олуб.
2022-ҹи илдә Ермәнистан вә Франса дипломатик мүнасибәтләрин гурулмасынын 30 иллијини гејд едирләр. Парисдә “Ермәнистан-Франса” конфрансы заманы Русија-Украјна мүһарибәсиндән данышан Макрон 2020-ҹи илдә 44 ҝүнлүк мүһарибәјә тохунараг демишди: "Ајыг олмаг лазымдыр. Бу вәзијјәтдә 2020-ҹи илин пајызыны да унутмаг олмаз. Бурада да һәр шеј һәлл олунмајыб, ҝөрүләси чох иш вар” – дејәрәк Макрон билдириб.
Макрон дәфәләрлә реҝионал сүлһүн ваҹиб олдуғуну, бу мәсәләдә мүмкүн рол ојнамаға һазыр олдуғуну вурғулајыб. “Мәһз бу руһда Франса Дағлыг Гарабағдакы ганлы мүһарибәдән сонра үзләшдији чәтинликләрин өһдәсиндән ҝәлмәјә көмәк етмәк үчүн Ермәнистанын јанындадыр”.
Еммануел Макрон сон заманлар Ермәнистана хүсуси лојаллыг нүмајиш етдириб: "Ермәниләр сајсыз-һесабсыз бәлалара мүгвимәт ҝөстәрир. Һәмрәјлик вә достлуг һисси илә дејирәм ки, Франса һәр заман сизин јанынызда олаҹаг", – дејәрәк Емануел Макрон гејд едиб.
Политолог Ваһе Погосјан гејд едир ки, Франса АТӘТ-ин Минск “Групунун һәмсәдри олмагла Ермәнистан үчүн әсас рола маликдир.
Онун фикринҹә, Макрон тәкҹә Ермәнистана олан севҝиси илә дејил, һәм дә сосиал шәбәкәләрдә ермәни медиасында һәјәҹана сәбәб олан ермәни јазылары илә сечилиб.
Ваһе Погосјан дејир ки, Емануел Макрон јенидән Президент сечилдикдән сонра ермәни-франса достлуғунда јени вә даһа исәмими сәһифә ачылмалыдыр.
342/
27 aprel 2022 - 10:40
Xəbər kodu: 1252222
Ермәни политолог бәјан едиб ки, Макронун јенидән Президент сечилмәси Ермәнистан-Франса мүнасибәтләри үчүн ән јахшы олајдыр.
