АБНА24 Хәбәр Верир , Ҹүмә ҝүнү Русија президенти Владимир Путинлә Авропа Иттифагы Шурасынын рәһбәри Шарл Мишелин телефон данышығы олуб. Тәрәфләр Украјна әтрафында вәзијјәтдән әлавә, Гарабағ низамланмасы просесини дә мүзакирә едибләр.
"Русија президенти игтисади вә нәглијјат әлагәләринин бәрпасы үзрә лајиһәләрин һәјата кечирилмәсинә, һәмчинин Ермәнистан-Азәрбајҹан сәрһәдинин делимитасијасы просесинин ишә салынмасына вә ики өлкә арасында сүлһ мүгавиләсинин һазырланмасына даир данышыгларын башланмасына јөнәлән аддымлар барәдә Авропа Шурасы Иттифагынын рәһбәринә мәлумат вериб", - Кремлин мәтбуат хидмәтинин мәлуматында дејилир.
Авропа Иттифагы Шурасынын президенти ҹүмә ҝүнү Ермәнистанын баш назири Никол Пашинјан илә дә телефонла данышыб.
Ермәнистан һөкумәтинин мәтбуат хидмәти билдириб ки, Пашинјанын Авропа Иттифагы Шурасынын президенти Шарл Мишеллә телефон данышығында апрелин әввәлиндә Брүсселдә үчтәрәфли ҝөрүш заманы әлдә олунмуш разылашмаларын һәјата кечирилмәси илә бағлы мәсәләләри мүзакирә едиб.
Һәмсөһбәтләр апрелин 6-да Брүссел разылашмаларын һәјата кечирилмәси илә бағлы бир сыра мәсәләләри мүзакирә едибләр”, - мәлуматда дејилир.
Һәмчинин, Мишел вә Пашинјан реҝиондакы вәзијјәти, еләҹә дә Ермәнистанла АИ арасындакы мүнасибәтләри дә мүзакирә едибләр.
342/
24 aprel 2022 - 11:38
Xəbər kodu: 1251243
Ҹүмә ҝүнү Авропа Иттифагы Шурасынын рәһбәри Шарл Мишел Гарабағ низамланмасы просесини Русија Президенти Владимир Путин илә вә Брүссел разылашмаларынын сон вәзијјәтини Ермәнистан баш назири Никол Пашнјанла телефонда мүзакирә едиб.
