АБНА24 Хәбәр Верир , Түркијәнин хариҹи ишләр назири Мөвлуд Чавушоғлу “ҸНН Түрк”ә мүсаһибәсиндә дејиб ки, Истанбулдакы ҝөрүшдән сонра мүһарибәнин бу гәдәр узанаҹағыны дүшүнмәјибләр.
Мөвлуд Чавушоғлу мүһарибәнин давам етмәсинин сәбәбини белә шәрһ едиб: “Бу мүһарибәнин давам етмәсини истәјәнләр вар. НАТО өлкәләриндән мүһарибәнин давам етмәсини истәјәнләр вар. Мүһарибәнин давам етмәсини, Русијанын зәифләмәсини истәјирләр. Олан исә Украјнаја олур”, - Түркијә ХИН башчысы әлавә едиб.
О һәмчинин билдириб ки, Түркијә Президенти Рәҹәб Тајјиб Әрдоғанын Путин вә Зеленски илә телефон данышыгларынын “јахын ҝүнләрдә” кечирилмәси планлашдырылыр.
Түркијәнин хариҹи ишләр назири ону да билдириб ки, бәзи түрк јүк ҝәмиләри миналарла бағлы вәзијјәтә ҝөрә Азов дәнизиндә һәлә дә чыхыш гадағасы илә үзләшмәкдәдир.
Чавушоғлу даһа әввәл НАТО-нун минаахтаран ҝәмиләрини Босфордан кечирмәк үчүн Гара дәниздә мина тапмаг бәһанәсинин олдуғуну да истисна етмәјиб.
342/
22 aprel 2022 - 10:26
Xəbər kodu: 1250478
Түркијә ХИН башчысынын сөзләринә ҝөрә, рәсми Анкара Истанбулдакы ҝөрүшдән сонра мүһарибәнин бу гәдәр узанаҹағыны дүшүнмәјиб.
