АБНА24 Хәбәр Верир ,«Русија Федерасијасынын Маариф Назирлији тарих фәннинин мәктәбин биринҹи синифиндән тәдрис едилмәси лајиһәсини һәјата кечирмәк нијјәтиндәдир». Бу сөзләри назирлијин рәһбәри Серҝеј Кравтсов "Ҝүҹ һәгигәтдәдир" ады алтында кечирилән илк үмумрусија мәктәб тарих форумунда сөјләјиб.
«Биз тарихи јаддашын горунмасы үчүн һәр шеји едәҹәјик. Мәним гәбул етдијим гәрара әсасән, тарихи тәһсил, мәктәбләрдә биринҹи синифдән башланаҹаг», дејә Кравтсов билдириб.
О гејд едиб ки, назирлик јерли тарих, јәни Русија тарихи өјрәниләркән Беларус вә Украјна халгларына гаршы һансыса пис јанашманын олмасына јол вермәјәҹәк.
Русија Федерасијасы Маариф Назирлијинин мәтбуат хидмәтиндә шәрһ едилдији кими, гејд олунан тәшәббүс "мәктәб програмынын бүтүн имканларындан истифадә"ни нәзәрдә тутур.
Гејд едәк ки, бу заманадәк Русија Федерасијасынын мәктәбләриндә тарихин өјрәнилмәси мәктәбин бешинҹи синифиндән башланыбдыр.
342/
20 aprel 2022 - 10:49
Xəbər kodu: 1249885
Русијанын маариф назири- Серҝеј Кравтсов билдириб ки, Русија Федерасијасынын Маариф Назирлији "тарихи јаддашын горунмасы үчүн һәр шеји етмәк" нијјәтиндәдир.
