Дүшмәнләрин ән кичик һәрәкәти силаһлы гүввәләримизин ҝөзләриндән јајынмыр

АБНА24 : Сејид Ибраһим Рәиси, Имам Хомејни(р.ә)-ин һәрәминдә кечирилән орду ҝүнү үзрә парад мәрасиминдә сонра белә сөјләјиб: Иран Ислам Республикасы Силаһлы Гүввәләринин Али Баш Команданынын ики гүдрәтли голу кими, орду вә Сепаһ-ын бағлылығы вә онларын гардашлығы вә сәмимилији бир нүмунәдир. Иран Ислам Республикасы Силаһлы Гүввәләринин бир чох габилијјәти вар. Ән әсас габилијјәти будур ки, садиг гүввәләрә маликдирләр. Бу гүввәләр мејданда һәјатларыны тәһлүкәјә атыб, һәр һансы дүшмәнлә гаршылашмаға һазырдырлар. Бу ҝүн бизим һәрби баҹарығымыз нәинки реҝионда, һәм дә дүнјада дилләр әзбәридир. Орду санксија фүрсәтиндән даһа да гүдрәтли олмаг үчүн чох јахшы истифадә етди. Бу санксија атмосфериндә ән јахшы истифадәни һәрби сәнаје һәјата кечирди вә орду чох јахшы бир габилијјәт әлдә етди.

Рәиси сөјләјиб: Орду бүтүн саһәләрдә халг иләдир, халгдандыр вә халгын арасындадыр. Халга хидмәтдә тәгдирәлајиг фәалијјәт ҝөстәриб. Корона шәраитиндә халгын кәнарында олуб вә чох јахшы әмәл едибдир.

Өлкә президенти дејиб: Ислам Ингилабы тәрәфдарларына бу һазырлығын месажы, үмид месажыдыр. Дүшмән дә билсин ки, силаһлы гүввәләримизин гүдрәти, чәкиндириҹилик гүдрәтидир вә сионист режим кими дүшмәнләрин ән кичик һәрәкәти бу сајыг гүввәләрин ҝөзләриндән јајынмыр. Бу гүдрәт вә мүгавимәтин дүнјадакы јохсуллара, мәзлумлара вә зәифләрә месажы бдур ки, силаһлы гүввәләримиз онларын үмид нөгтәсидир.

29 фәрвәрдинин Иранда орду ҝүнү адландырылмасы, Имам Хомејни(р.ә)-ин тәшәббүсләриндән олуб. Орду гүввәләри һәр ил парад мәрасими кечирмәклә бу ҝүнү гејд едирләр.

Гејд олунан парадда ордунун гуру гошунларынын дөјүш вә зиреһли бөлмәләри; бу гошунларын һава гүввәләринин һелкоптерләри; авиасија гүввәләринин гырыҹылары; һава һүҹумундан мүдафиә гүввәләринин зенит мүдафиә системләри вә јүкдашыјан дәниз тәҹһизатлары трибунанын өнүндән кечибләр.

Парадда һәмчинин гуру, дәниз, авиасија, ракет, ПУА үзрә јерли һәрби аваданлыг вә наилијјәтләрин бир һиссәси нүмајиш етдирилиб.

342/