"Әр-Ризван" Дүнја Мүкафаты 54 өлкәнин иштиракы илә баша чатыр

АБНА24 Хәбәр Верир ,Астан Гүдс Рәзәви Елм вә Мәдәнијјәт Тәшкилатынын бејнәлхалг ишләри үзрә мүавини Һөҹҹәтүл-Ислам вәл-мүслимин Сејјид Мәһәммәд Зүлфүгари ИГНА-ја мүсаһибәсиндә илк Бејнәлхалг Әр-Ризван мүкафатынын кечирилмәсинә тохунараг дејиб: "Гуран мүәллимләринә һәср олунан Әр-Ризван Мүкафатында 54 өлкәдән 35695 Гуран фәалы вә 2412 Гуран мүәллими иштирак едиб. Бу курсун бағланыш мәрасиминдә Ислам дүнјасынын ән јахшы 10 Гуран мүәллими Астан Гүдс Рәзәви тәрәфиндән мүкафатландырылаҹаг."

О әлавә едиб ки, һәгигәтдә Гуран мүәллимләри, тәлиматчылары вә тәрбијәчиләри илаһи кәламла ән чох таныш оланлардыр. Онлар мүсәлманларын евләриндә кечирдикләри Гуран мәҹлисләриндән вә ушаг бағчаларындан тутмуш мәсҹидләрә, мәктәбләрә, университетләрә, семинаријалара вә Гуран институтларына кими һәјатын бүтүн саһәләриндә вардырлар. Гурана әмәл етмәк Гуранын өјрәдилмәсинин тәсирини гат-гат артырдығы үчүн белә мүәллимләрә еһтирам ҝөстәрмәк Гурана вә Гуранын мүсәлманларын һәјатында вә талејиндә тутдуғу јерә һөрмәт етмәкдир.

Һөҹҹәтүл-ислам вәл-мүслимин Зүлфигари нијә бу фестивал үчүн "Ҹајизә" адыны сечмисиниз суалына ҹаваб олараг дејиб: "Алимләр даим мүхтәлиф елми мөвзулар үзәриндә ишләјирләр. Гурумлар вә груплар да даһа јүксәк вә даһа јахшы мәгсәдләрә наил олмаг вә стимуллар јаратмаг үчүн бу пәракәндә фәалијјәтләри ваһид меһвәр әтрафында бирләшдирмәјә чалышырлар. Әслиндә, "Ҹајизә"нин ролу сәјләри бир меһвәр әтрафында бирләшдирмәкдир. Гуран фәалларыны һәвәсләндирмәк, инсанлары мүсабигәјә ҹәлб етмәк, јени истедадлары үзә чыхармаг бу фестивал үчүн "Ҹајизә" адынын сечилмәсинин диҝәр мәгсәдләриндәндир. Һәгигәтдә, "ҹајизәләр" гејри-мәһдуд лајиһәләр үчүн әһәмијјәтли бир һәдијјә ајырараг бир саһәдә фәалијјәт ҝөстәрәнләрин бүтүн енержисини вә ҝүҹүнү бирләшдирмәјә чалышыр. "Әр-Ризван" Дүнја Мүкафаты да Гуран үзрә истедадлы олан шәхсләри кәшф етмәк үчүн тәшкил олунуб.

342/