АБНА24 Хәбәр Верир ,бу барәдә Русија Мүдафиә Назирлијиндән билдирилиб.
Русија МН-нин јајдығы мәлуматда гејд олунуб ки, Мариуполун шәһәринин бүтүн әразиси Украјна һәрбчиләриндән тәмизләниб вә гошунларын галан һиссәси "Азовстал" адланан сәнаје рајонунда мүһасирәдә блокланыб, билдирилиб ки, Украјна ордусунун, Милли Гвардијанын вә муздлуларын иткиләри 23 367 нәфәр тәшкил едир. Тәкҹә Мариуполда Украјна ордусунун 4 мин һәрбчи итирдији вурғуланыб.
Бу хәбәрә реаксија олараг Украјна Президенти Владимир Зеленски дејиб ки, әҝәр Русија ордусу Мариуполу мүдафиә едән Украјна һәрбчиләрини өлдүрәрсә, о заман ҝәләҹәк сүлһ данышыглары гејри-мүмкүн олаҹаг вә бүтүн данышыглара сон гојулаҹаг. Чүнки рәсми Кијев инсанлары алвер предметинә чевирмир.
Украјна Баш Гәрарҝаһы да Мариуполдакы вәзијјәтлә бағлы мәлумат јајыб.
Дејилир ки, 810 вә 155-ҹи әлаһиддә дәниз пијадалары бригадаларынын бөлмәләри Мариупола десант һүҹумуна һазырлашыр.
Бу арада Русијанын һава һүҹумундан мүдафиә системләри һәмчинин Одесса јахынлығында бөјүк партија Гәрб һәрби техникасы илә јүкләнмиш Украјна һәрби-нәглијјат тәјјарәсини вуруб.
Русија Мүдафиә Назирлијинин рәсми нүмајәндәси ҝенерал-мајор Игор Конашенков бу һагда дејиб: “Русијанын һава һүҹумундан мүдафиә системләри Одесса вилајәтиндә Украјнаја мәхсус Гәрб өлкәләринин тәдарүк етдији силаһларын бөјүк партијасыны чатдыран һәрби нәглијјат тәјјарәсини һавада вуруб. Бундан әлавә, Лозоваја вә Веселаја јашајыш мәнтәгәләри үзәриндә ики Украјна пилотсуз учуш апараты вурулуб”.
Русија МН-нин диҝәр бир мәлуматында исә иддиа олунур ки, мүһарибә башлајандан индијә гәдәр Украјна ордусу Милли Гвардија вә муздлулар да дахил олмагла 23367 нәфәр итириб.
342/
17 aprel 2022 - 19:13
Xəbər kodu: 1248919
Русија һәрбчиләри Мариупол шәһәрини әлә кечирәрәк ораны Украјна гошунларындан тәмизләјиб.
