АБНА24 Хәбәр Верир ,Иранын хариҹи ишләр назири дејиб ки, өтән једди ај әрзиндә Иран илә Ираг арасында тиҹарәт мүбадиләләри һәҹми кечән илин мүвафиг дөврү илә мүгајисәдә 4,5 дәфә артыбдыр.
Һүсејн Әмир-Абдуллаһиан Теһранда өз ираглы һәмкары Фуад Һүсејнлә бирҝә мәтбуат конфрансында Ирагла әлагәләри стратежи адландырыб. Билдириб ки, ики өлкә гаршылыглы әлагәләрин мүхтәлиф саһәләрдә ҝенишләнмәсинә сәј ҝөстәрир.
Иранын хариҹи ишләр назири, Фуад Һүсејнлә, ики өлкә арасында гуру визасынын ләғви һагда данышығындан хәбәр вериб. Үмидварлыг едиб ки, Иран вә Ираг вәтәндашлары өз шәхси автомобилләри илә ики өлкә арасында һәрәкәт едәҹәкләр.
Ирагын реҝионал ролуну алгышлајан Әмир-Абдуллаһиан Иран-Әрәбистан данышыглары вә реҝионал анлашма үзрә сәјләринә ҝөрә, Бағдада тәшәккүр едиб.
Иранын хариҹи ишләр назири һәмчинин Јәмәндәки атәшкәси алгышлајыб вә бу өлкәнин мүһасирәсинин ләғв едилмәси вә хариҹи мүдахилә олмадан бүтүн јәмәнли тәрәфләрин данышыг апармалары зәрурәтинә тәкид едиб.
Бу мәтбуат конфрансында Ирагын хариҹи ишләр назири Фуад Һүсејн дә дејиб ки, өз иранлы һәмкары илә Теһранын Фарс Көрфәзи кәнарындакы әрәб өлкәләрилә әлагәләри вә Ирагын бу саһәдәки ролу әтрафында фикир мүбадиләси апарыб. Ирагын хариҹи ишләр назири Јәмәндәки атәшкәси дә алгышлајыб.
342/
15 aprel 2022 - 10:28
Xəbər kodu: 1248141
Иранын хариҹи ишләр назири өз ираглы һәмкары илә бирҝә мәтбуат конфрансында Иранын Ирагда дондурулмуш активләринин бир һиссәсинин азад едилмәси үзрә илкин разылашмадан хәбәр вериб.
