АБНА24 Хәбәр Верир ,АБШ Украјнаја Әфганыстан үчүн нәзәрдә тутулан 11 Ми-17 һеликоптери верәҹәк.
Јени јардым пакети һәмчинин 18 һаубитса, о ҹүмләдән артиллерија әлејһинә радарлар вә 200 зиреһли персонал дашыјыҹысы илә тәмин етмәји нәзәрдә тутур.
Реутерс хәбәр верир ки, Бирләшмиш Штатлар Украјнаны илк дәфә олараг һаубитсаларла тәмин едәҹәкдир.
Президент Ҹо Бајден Кијевә 800 милјон доллар мәбләғиндә әлавә һәрби јардым ҝөстәриләҹәјини ачыглајыб.
45 ҝүн әрзиндә Украјнаја һәрби јардымын үмуми мәбләғини 2,5 милјард доллара чатдыран сонунҹу пакетә артиллерија системләри, артиллерија мәрмиләри вә зиреһли персонал дашыјыҹылары дахилдир.
Диҝәр тәрәфдән АБШ дөвләт катибинин мүавини Викторија Нуланд билдириб ки, Бирләшмиш Штатларын Русијанын 2022-ҹи илин февралында Украјнада башлатдығы һәрби әмәлијјаты сојгырымы кими танымаг еһтималы јүксәкдир.
“Президент Ҹозеф Бајденин дедикләрини нәһајәт јүксәк еһтималла тапаҹағымызы тәхмин едә биләрәм. Чүнки јер үзүндә баш верәнләр тәсадүфи дејил”, - дејә Нуланд “ҸНН”дә дејиб.
Гејд едәк ки, Ҹ. Бајден Русијанын Украјна илә бағлы сијасәтини сојгырымы адландырыб, лакин гејд едиб ки, онун һүгуги бахымдан бу шәкилдә квалификасија едилиб-едилмәмәси илә бағлы гәрары һүгугшүнаслар вермәлидир.
Ағ Евин мүһарибәни гызышдырмагда исрарлы олмасы елә бир һалдадыр ки, Украјнада давам едән мүһарибә дүнја әһалисинин 20 фазини аҹлыға сүрүкләјир.
БМТ-нин Баш катиби Антониу Гутерреш твитер сәһифәсиндә бу барәдә јазыб: “Украјнадакы саваш бәшәријјәтин бешдәбириндән чохуну јохсуллуға дүчар едә биләр. Мүһарибәнин инсанлара тәсиринин гаршысынын алынмасынын јеҝанә даими һәлли сүлһдүр”.
342/
15 aprel 2022 - 10:25
Xəbər kodu: 1248138
АБШ һөкумәти Украјнада аловун үстүнә јағ төкүр вә мүһарибәни гызышдырыр.
