АБНА24 Хәбәр Верир ,Кулеба билдириб ки, Иранын хариҹи ишләр назири Һүсејн Әмир-Абдуллаһијан күтләви информасија васитәләриндә Иранын ҝуја Русијаја силаһ ҝөндәрмәси илә бағлы јајылан хәбәрләри тәкзиб едиб.
“Мән Иранын хариҹи ишләр назиринә зәнҝ етдим. Иран Русијанын Украјна илә мүһарибәсинә гаршыдыр, дипломатик һәлл јолуну дәстәкләјир. Хариҹи ишләр назири Әмир-Абдуллаһијана Иран ширкәтләринин көмәји илә Русијаја силаһ тәдарүкү илә бағлы иддиалары тәкзиб етдијинә, еләҹә дә Украјнаја ҝөндәрилән һәкимләрдән ибарәт һејәтә ҝөрә миннәтдарам”, - дејә Кулеба гејд едиб.
Өз нөвбәсиндә Иранын хариҹи ишләр назири Һүсејн Әмир-Абдуллаһијан украјналы һәмкары Дмитри Кулеба илә телефон бағлантысында өлкәсинин Украјнаја тибби бригада ҝөндәрмәјә һазыр олдуғуну вурғулајыб, еләҹә дә давам едән мүнагишәнин һәлли үчүн сүлһ сәјләри вә чалышмаларынын уғур газанмасыны арзулајыб. О һәмчинин Иран Ислам Республикасынын Украјна-Русија данышыгларынын сабитлик вә сүлһә ҝәтириб чыхараҹағына үмид етдијини вурғулајыб.
О, “Иранын Гызыл Ајпара Ҹәмијјәтиндән Украјнаја тибби һејәт ҝөндәрмәјә һазыр олдуғуну” украјналы назирин диггәтинә чатдырыб.
Ики назир Украјна бөһраны, дипломатик објектләрин горунмасы вә һуманитар јардымларын ҝөндәрилмәсинин зәрурилијини мүзакирә едибләр.
342/
15 aprel 2022 - 10:25
Xəbər kodu: 1248137
Украјнанын хариҹи ишләр назири Дмитри Кулеба өз Тwиттер һесабында Иран Ислам Республикасынын мүһарибә илә бағлы мөвгејини јүксәк гијмәтләндириб.
