АБНА24 Хәбәр Верир , Имран Хан өлкә парламентинин бурахылмасындан сонра баш назир вәзифәсиндән узаглашдырылса да, мүвәггәти баш назир тәјин олунана гәдәр бу вәзифәни тутмаға давам едәҹәк.
Пакистанын информасија вә јајым назири Фәррух Һәбибин сөзләринә ҝөрә, нөвбәдәнкәнар парламент сечкиләри 90 ҝүн сонра кечириләҹәк.
Гејд едәк ки, Пакистан мүхалифәти Баш назир Имран Ханы өлкәдә инфлјасијаја нәзарәт едә билмәмәкдә иттиһам едәрәк онун истефасыны вә бунунла бағлы ганунвериҹи органда етимад сәсвермәсинин кечирилмәсини тәләб едирди. Милли Ассамблеја сәдринин мүавини Гасым Сури Баш назирә етимадсызлығын Конститусијанын 5-ҹи маддәси илә зиддијјәт тәшкил етдијини билдириб вә тәклифи сәсвермәјә гојмајыб.
Мүхалифәт сәсвермәнин ләғв едилмәсинә етираз едәрәк мәһкәмәјә мүраҹиәт едәҹәкләринин билдирмишди. Бу, Имран Ханын парламентин бурахылмасы тәклифи илә чыхыш етмәсинә сәбәб олуб. О, апрелин 3-дә Президент Ариф Алвијә парламентин бурахылмасы тәкилфи илә мүраҹиәт етмишди.
Хатырладаг ки, апрелин 3-дә Пакистан Президенти Ариф Алви Баш назир Имран Ханын тәклифи илә Милли Ассамблејаны (парламентин ашағы палатасы - Ред) бурахыб.
Пакистан парламенти Баш назирә етимадсызлыг тәклифини рәдд едиб. Мүзакирәдә сәсвермәнин конститусија позунтусу олаҹағы билдирилиб.
342/
5 aprel 2022 - 13:10
Xəbər kodu: 1244991
Пакистанын Назирләр Кабинети бир мәлуматда Пакистан конститусијасынын мүвафиг бәндләринә диггәт чәкәрәк билдириб ки, Пакистан президенти тәрәфиндән Милли Ассамблејанын бурахылмасы нәтиҹәсиндә Имран Хан Пакистанын Баш назири вәзифәсини тутмағы дајандырыб.
